（ པར་ངོས་དང་པོར་མཐུད།）ཚོགས་འདུར་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་སྐབས་ཉི་ཤུ་པའི་ཀྲུང་དབྱང་སྒྲིག་བཤེར་ཨུ་ལྷན་གྱི་ཚང་འཛོམས་གྲོས་ཚོགས་ཐེངས་ལྔ་པའི་ཐོག་གནང་བའི་གསུང་བཤད་གལ་ཆེན་གྱི་དགོངས་དོན་བརྒྱུད་སྦྱངས་བྱས་པ་དང་། སྐབས་བཅུ་གཉིས་པའི་ཁུལ་སྒྲིག་བཤེར་ཨུ་ལྷན་གྱི་ཚང་འཛོམས་གྲོས་ཚོགས་ཐེངས་དྲུག་པའི་གྲ་སྒྲིག་གནས་ཚུལ་སྙན་ཞུར་ཉན་པ་རེད།
ཚོགས་འདུར་ཁུལ་དམངས་ཆེན་སྐབས་བཅུ་གསུམ་པའི་གྲོས་ཚོགས་ཐེངས་ལྔ་པ་དང་ཁུལ་སྲིད་གྲོས་སྐབས་བཅུ་བཞི་པའི་གྲོས་ཚོགས་ཐེངས་ལྔ་པའི་འབྲེལ་ཡོད་གྲ་སྒྲིག་གནས་ཚུལ་སྐོར་གྱི་སྙན་ཞུར་ཉན་པ་དང་། ཚོགས་ཆེན་ཐོག་གྲོས་ཞིབ་བྱ་རྒྱུར་ཕུལ་བའི་འབྲེལ་ཡོད་སྙན་ཞུ་དང་ཡིག་ཆར་གྲོས་བསྡུར་བྱས་ཏེ། རིམ་པ་ཁག་དང་སྡེ་ཚན་ཁག་གིས་ཁུལ་ཚོགས་ཆེན་གཉིས་ཡག་པོ་འཚོག་དགོས་པའི་གལ་ཆེའི་རང་བཞིན་ལ་ངོས་འཛིན་གང་ལེགས་བྱས་ཏེ། རྒྱ་ཆེའི་འཐུས་མི་དང་ཨུ་ཡོན་རྣམས་ཀྱིས་འགན་འཁྲི་ཧུར་ཐག་བསྒྲུབས་པར་ཁྲིད་སྟོན་བྱ་རྒྱུ་དང་། ཚོགས་ཆེན་གཉིས་དེ་དམངས་གཙོ་མཐུན་སྒྲིལ་དང་གདེན་འཚོལ་ཧུར་བརྩོན། མི་སེམས་སྐུལ་བའི་ཚོགས་ཆེན་ཞིག་འཚོག་དགོས་ཞེས་ནན་བཤད་བྱས་པ་རེད།།
（ ལྷ་འཛོམས་དང་བདེ་ཆེན་གྱིས་བསྒྱུར།）