（ པར་ངོས་དང་པོར་མཐུད།）
ཀྲའོ་པོ་ཡིས་ཁུལ་ཨུ་དང་ཡན་ལག་དམག་ཁུལ་ཏང་ཨུའི་ཚབ་ཞུས་ཏེ་ཡན་ལག་དམག་ཁུལ་གྱི་རྒྱ་ཆེའི་དཔོན་དམག་དང་། ཞི་བའི་ལས་འགན་འཁུར་མཁན། ཡུལ་དམག་གྲ་སྒྲིག་དམག་ཞབས་མི་སྣ་བཅས་ལ་སྙིང་ཐག་པ་ནས་ཐུགས་རྗེ་ཆེ་ཞུས་པར་མ་ཟད། འདས་ཟིན་པའི་ལོ་གཅིག་རིང་ཁུལ་ཡོངས་ཀྱི་ཏང་གིས་དྲག་ཆས་དོ་དམ་དང་། རྒྱལ་སྲུང་སྐུལ་སློང་། རྗེས་གྲབས་སྟོབས་ཤུགས་འཛུགས་སྐྱོང་བཅས་ཀྱི་ལས་དོན་ལས་ཐོབ་པའི་ཕན་འབྲས་བཟང་པོར་ཁས་ལེན་གང་ལེགས་གནང་བ་རེད།
ཀྲའོ་པོ་ཡིས་བསྟན་དོན། ད་ལོ་ནི“ལོ་ལྔའི་འཆར་འགོད་བཅོ་ལྔ་པ”འགོ་འཛུགས་པའི་ལོ་ཡིན་ལ། དམག་དཔུང་བཙུགས་ནས་ལོ་བརྒྱ་ཡི་འབད་འཐབ་དམིགས་འབེན་མངོན་འགྱུར་བྱེད་པའི་འགག་རྩའི་ལོ་ཞིག་ཀྱང་ཡིན་པས། ཏང་གིས་དྲག་ཆས་དོ་དམ་བྱེད་པའི་ལས་དོན་ཡག་པོ་སྒྲུབ་རྒྱུར་དོན་སྙིང་གལ་ཆེན་ལྡན་ཡོད། ཡན་ལག་དམག་ཁུལ་དང་རིམ་པ་ཁག་གི་ཏང་ཨུས་ལྷག་བསམ་རྣམ་དག་གིས་བསམ་བློའི་རྨང་གཞི་སྲ་བརྟན་དུ་བཏང་ནས“དམག་དཔུང་སྟོབས་ཆེར་གཏོང་བའི་བསམ་བློ་སློབ་སྦྱོང་ཡག་པོ་དང་། ཆབ་སྲིད་བཅོས་སྒྲིག་སྦྱོང་བརྡར་ལ་ཤུགས་རྒྱག་པའི”སློབ་གསོ་ལག་ལེན་བྱེད་སྒོ་ཏན་ཏིག་སྤེལ་ཏེ། ཏང་གིས་མི་དམངས་དམག་དཔུང་ལ་འགོ་ཁྲིད་མཐའ་གཅིག་ཏུ་བྱེད་པ་དེ་དྲག་ཆས་ལས་ཀའི་ཁྱབ་ཁོངས་ཁག་གི་བརྒྱུད་རིམ་ཧྲིལ་པོར་ཁྱབ་པ་དང་། བྱ་སྤྱོད་དངོས་ཀྱི་ཐོག་ནས་“གཏན་འཁེལ་གཉིས་”ལ་བརྩི་སྲུང་བྱ་རྒྱུ་དང་། “སྲུང་སྐྱོང་གཉིས་”མཐའ་གཅིག་ཏུ་བྱ་དགོས།
དམག་གྲབས་དམག་འཛིང་གི་གྲ་སྒྲིག་འགན་འཁྲི་འཁུར་ནས་འཚུབ་བསྟུན་དམག་འཛིང་གི་ཆུ་ཚད་ཁྱོན་ཡོངས་ནས་མཐོ་རུ་གཏང་དགོས་པ་དང་། ཡུལ་དམག་དཔུང་སྡེ་འཛུགས་སྐྱོང་དང་། སྦྱོང་བརྡར། དོ་དམ། བཀོལ་སྤྱོད། འགན་སྲུང་སོགས་རྒྱུ་རྐྱེན་ཚང་མ་ཚད་ལྡན་ཅན་དུ་འགྱུར་བའི་འཛུགས་སྐྱོང་སྤྱི་འདོམས་སྐུལ་འདེད་གཏོང་བ་དང་། དམག་བསྡུ་ལས་ཀའི་སྒྲིག་སྲོལ་དང་ལམ་སྲོལ་འཐུས་ཚང་དུ་བཏང་ནས་དམག་བསྡུ་སྤུས་ཚད་དང་ཕན་འབྲས་མུ་མཐུད་མཐོ་རུ་གཏང་དགོས། དམག་དམངས་ཀྱི་ཉ་ཆུ་ལྟ་བུའི་བརྩེ་བ་ཇེ་ཟབ་ཏུ་གཏོང་བ་དང་། གཉིས་བཀུར་ལས་ཀའི་ལམ་སྲོལ་འཐུས་སྒོ་ཚང་དུ་གཏོང་བ། དམག་དཔུང་གི་དཀའ་སྡུག་སེམས་ཁྲལ་གྱི་གནད་དོན་ཤུགས་ཡོད་རྒུས་ཐག་གཅོད་ཡག་པོ་བྱས་ཏེ། “རྒྱལ་ཡོངས་གཉིས་བཀུར་དཔེ་སྟོན་གྲོང་ཁྱེར”གྱི་གསེར་གྱི་མིང་བྱང་མཉམ་དུ་བསྐྱང་དགོས། “དམར་དམག་རྒྱང་སྐྱོད་ལ་རྒྱལ་ཁ་ཐོབ་ནས་ལོ90འཁོར་བ”ཡི་གཙོ་དོན་ལ་དམིགས་ནས་མང་ཚོགས་རང་བཞིན་གྱི་རྒྱལ་སྲུང་སློབ་གསོར་ཤུགས་བསྣན་ཏེ།རྒྱལ་སྲུང་ལ་སེམས་ཁུར་དང་རྒྱལ་སྲུང་ལ་དགའ་ཞེན། རྒྱལ་སྲུང་འཛུགས་སྐྲུན། རྒྱལ་སྲུང་སྲུང་སྐྱོབ་བཅས་སྤྱི་ཚོགས་ཡོངས་ཀྱི་ཐུན་མོང་གི་ངོས་འཛིན་ཞིག་ཏུ་འགྱུར་བར་བྱ་དགོས།
ཀྲའོ་པོ་ཡིས་རིམ་པ་ཁག་གི་ཏང་ཨུས་ཏང་གིས་དྲག་ཆས་དོ་དམ་བྱེད་པའི་བྱེད་པོའི་འགན་འཁྲི་ནན་ཏན་གྱིས་འཁུར་ནས་དཔལ་འབྱོར་དམ་འཛིན་བྱེད་དུས་རྒྱལ་སྲུང་དམ་འཛིན་བྱ་རྒྱུ་བློ་ལ་བརྟན་པོར་འཆང་བ་དང་། འཕེལ་རྒྱས་དོན་གཉེར་བྱེད་དུས་དྲག་ཆས་དོན་གཉེར་སེམས་ལ་དམ་པོ་འཛིན་རྒྱུར་རྒྱུན་འཁྱོངས་ནས་ཤུགས་ཡོད་རྒུས་རྒྱལ་སྲུང་དང་དམག་དཔུང་འཛུགས་སྐྱོང་ལ་རྒྱབ་སྐྱོར་བྱ་དགོས། ཏང་ཨུའི་ཧྲུའུ་ཅི་ཡིས་“འགན་འཁུར་མཁན་དང་པོའི”འགན་འཁྲི་མཐའ་གཅིག་ཏུ་བསྒྲུབས་ཏེ། སྣེ་ཁྲིད་དེ་དྲག་ཆས་དོ་དམ་དང་དྲག་ཆས་འཛུགས་སྐྲུན། དྲག་ཆས་སྟོབས་ལྡན་བཅས་བྱ་དགོས། རིམ་པ་ཁག་དང་སྡེ་ཚན་ཁག་གིས་སྔོན་ཆད་ལྟར་དམག་བཀུར་དང་དམག་མིའི་ཁྱིམ་མི་གཟི་སྐྱོང་ལས་ཀ་ལེགས་སུ་གཏོང་བའི་ལས་དོན་དེ་ཆབ་སྲིད་ལས་གྲྭ་ཞིག་ཏུ་བརྩིས་ནས་སྐུལ་ཞིང་། དམག་དཔུང་འཛུགས་སྐྱོང་ལ་སྤུས་ཚད་མཐོ་བའི་ཞབས་ཞུའི་འགན་ལེན་བྱས་ཏེ་དམག་དཔུང་སྟོབས་ཆེར་གཏོང་བའི་བཀོད་སྒྲིག་ཁག་དོན་ཐོག་འཁྱོལ་བར་སྐུལ་དགོས།
ཚོགས་འདུར་རྫོང（གྲོང་ཁྱེར）ཁག་གི་མི་དམངས་དྲག་ཆས་པུའུ་ཏང་ཨུའི་ཧྲུའུ་ཅི་དང་པོས་ཡུལ་དངོས་སུ་ལས་སྒྲུབ་སྙན་སེང་ངམ་ཡིག་ཐོག་ལས་སྒྲུབ་སྙན་སེང་ཞུ་བ་རེད།
དཀར་མཛེས་ཡན་ལག་དམག་ཁུལ་གྱི་ཏ་ཞའོ་དམག་སྤྱི་ཀྲང་ཀྲི་པིན་གྱིས་ཚོགས་འདུ་གཙོ་སྐྱོང་བྱས་པ་དང་ཁུལ་ཨུའི་རྒྱུན་ཨུ། དཀར་མཛེས་ཡན་ལག་དམག་ཁུལ་གྱི་ཏ་ཞའོ་ཆབ་སྲིད་ཨུ་ཡོན་ཧོ་ཞན་ཅིན་གྱིས་རྫོང་（གྲོང་ཁྱེར）ཁག་གི་མི་དམངས་དྲག་ཆས་ལས་དོན་དོན་འཁྱོལ་བྱས་ཚུལ་ལ་དཔྱད་གཏམ་བཤད་པ་རེད། རྫོང（གྲོང་ཁྱེར）ཁག་གི་ཏང་ཨུའི་ཧྲུའུ་ཅི་དང་། མི་དམངས་དྲག་ཆས་པུའུ་ཡི་ཏང་ཨུའི་ཧྲུའུ་ཅི་དང་པོ། དཀར་མཛེས་ཡན་ལག་དམག་ཁུལ་གྱི་ལས་ཁུངས་ལས་བྱེད་པ་བཅས་ཚོགས་འདུར་ཞུགས་པ་དང་།ཁུལ་རིམ་པའི་འབྲེལ་ཡོད་སྡེ་ཚན་གྱི་འགན་འཁུར་བློ་མཐུན་ཚོགས་འདུར་ཟུར་ཞུགས་བྱས་པ་རེད།།
（ ལྷ་འཛོམས་དང་བདེ་ཆེན་གྱིས་བསྒྱུར།）