（ པར་ངོས་དང་པོར་མཐུད།）ལས་ཀ་ཆད་འགྱངས་དང་འགན་འཁྲི་བདག་མེད། གྲ་སྒྲིག་མི་འདང་བ་སོགས་ཀྱི་གནད་དོན་གཏན་འགོག་བྱས་པ་དང་། དེ་བས་ཏན་ཏིག་དང་ནུས་ལྡན་གྱི་བྱ་ཐབས་སྤྱད་ནས་ལས་དོན་ཁག་དམ་འཛིན་ཡག་པོ་བྱ་དགོས། ཞིབ་ཚགས་དང་ནུས་ཆེའི་ལྟ་ཞིབ་ཚད་ལེན་དང་སྔོན་བརྡ་གཏང་རྒྱུར་ཤུགས་བརྒྱག་ནས་མང་ཚོགས་ཀྱི་ཉེན་འགོག་རང་སྐྱོབ་ནུས་པ་རྒྱུན་ཆད་མེད་པར་ཆེ་རུ་གཏང་དགོས། འཚུབ་བསྟུན་གྲ་སྒྲིག་ཡག་པོ་བྱས་ཏེ་ས་གཤིས་གནོད་འཚེ་དང་མེ་སྐྱོན། ས་འགུལ། གངས་སྐྱོན་སོགས་ཀྱི་གནོད་འཚེ་ལ་དམིགས་ནས་ཆེད་དོན་སྔོན་ཇུས་ཞིབ་ཕྲ་བཟོ་དགོས། རྒྱུན་ཚུལ་ཅན་གྱི་གོ་རིམ་ཡོངས་དང་རྒྱུ་རྐྱེན་ཡོངས་ཀྱི་འཚུབ་བསྟུན་ནང་སྦྱོང་སྤེལ་ནས་མེ་ཟོན་རོགས་སྐྱོབ་དང་འགྲིམ་འགྲུལ་གློག་ཤུགས་ཉེན་སྐྱོབ། འཚུབ་བསྟུན་འཕྲིན་གཏོང་འགན་ལེན། གཞི་རིམ་འཚུབ་བསྟུན་དཔུང་ཁག་འཛུགས་སྐྱོང་། གནོད་སྐྱོབ་དངོས་ཟོག་ཉོ་སྒྲུབ་གསོག་འཇོག་བཅས་ལ་གཅིག་གྱུར་གྱིས་སྐུལ་དགོས་ཞེས་ནན་གསུང་གནང་བ་རེད།
ཀྲའོ་པོ་ཡིས་བླང་བྱ་བསྟན་དོན། རིམ་པ་ཁག་དང་སྡེ་ཚན་སོ་སོས་ངེས་པར་དུ་དོགས་ཟོན་ཆེན་པོ་དང་འགན་འཁྲིའི་འབྲེལ་ཐག་དམ་ཟབ། ལས་ཀའི་སྒྲིག་ཁྲིམས་ནན་པོ། རྒྱུན་རྣམ་གྲ་སྒྲིག་ལས་ཀའི་ལམ་ལུགས་ལག་བསྟར་ནན་པོ། མགོ་ཁྲིད་ལས་རེས་ལམ་ལུགས་སོགས་དོན་འཁྱོལ་ནན་པོ་བྱ་རྒྱུ་དང་།ཐད་ཀར་གཞི་རིམ་ལ་བསྐྱོད་ཐུབ་པའི་རྗེས་འདེད་ཕྱིར་བསློགས་ལམ་སྲོལ་འཐུས་ཚང་དུ་གཏོང་ཞིང་། ཕྱོགས་བསྡུས་གནོད་འགོག་གནོད་སྙུང་ནུས་པ་རྒྱུན་ཆད་མེད་པར་ཆེ་རུ་བཏང་ནས་མི་དམངས་མང་ཚོགས་ཀྱི་ཚེ་སྲོག་དང་རྒྱུ་ནོར་ཉེན་མེད་སྲུང་སྐྱོང་ཡག་པོ་བྱ་དགོས།
( བདེ་སྐྱིད་དང་བདེ་ཆེན་གྱིས་བསྒྱུར།)