ཁམས་ཀྱི་ཉག་ཨ་འཛི་རོང་ཞེས་གྲགས་པའི་ཡུལ་གྲུའི་སྐྱེ་ཁམས་ཀྱི་བཀོད་པ་ནི་རི་མོ་མཁན་གྱི་པིར་རྩལ་ལས་བྱུང་བའི་དག་ཞིང་གི་གནས་མཆོག་ཅིག་དང་ཀུན་ནས་མཚུངས་ལ། ཉག་ཆུ་གཡུ་འབྲུག་སྔོན་མོའི་བཞུར་རྒྱུན་ལས་སྐྱེ་དངོས་ཁྲི་སྟོང་གི་ཚེ་སྲོག་གསོ་བཞིན། རི་མཐོ་ས་གཙང་བའི་རི་ལུང་རེ་རེ་དང་། གངས་རི་རྩྭ་ཐང་གི་མཛེས་སྡུག་རེ་རེ་དུས་རབས་འཕེལ་རྒྱས་ཀྱི་འགྲོས་དང་དེང་རབས་ཆ་འཕྲིན་ལག་རྩལ་གྱི་དགེ་མཚན་ལ་བརྟེན་ནས་འཛམ་གླིང་སྐྱེ་འགྲོ་མང་པོའི་མིག་གི་དགའ་སྟོན་དུ་ལྟད་མོར་བཤམས་བཞིན་ཡོད་པ་རེད།
ཡུལ་འདིའི་རང་བྱུང་གི་རི་སྐྱེས་སྲོག་ཆགས་མང་པོ་འཚེ་མེད་བདེ་དགའི་དཔལ་ལ་རོལ་བཞིན་ཡོད་ལ། འདབ་ཆགས་བྱ་བྱེའུ་སྣ་ཚོགས་ཀྱིས་མི་དང་རང་བྱུང་ཁམས་ཕན་ཚུན་འཆམ་མཐུན་མཉམ་གནས་ཀྱི་དཔལ་ལ་རོལ་བའི་བདེ་སྐྱིད་ཀྱི་འཚོ་བར་བསྟོད་པའི་སྐད་སྙན་སྒྲོག་བཞིན་ཅི་འདོད་ཟས་ལ་རོལ་བཞིན་ཡོད་པ་ལགས་སོ།།（ བདེ་ཆེན་གྱིས་བྲིས།）