ས་སྲོད་ཀྱི་མཚན་ནུབ་རེར།
དུས་ཚོད་སྐར་ཆ་དུ་མ་ཞིག་འགོར་རྗེས།
སུ་ཞིག་གི་རྨི་ལམ་དང་ལྷིང་
འཇགས་དཀྲོགས་སོང་།
ལོ་ཟླ་ཡུན་གྱིས་འདས་ཀྱིན་ལང་ཚོ་
རིམ་གྱིས་ཡལ།
འདི་ནི་སྐྱེ་འཆིའི་གནས་ལུགས།
ར་སྤྲོད་བྱེད་སྟངས་ཤིག་ཅི་ལ་མིན།
ལོ་ཟླ་ལགས།
ཅུང་ཙམ་དལ་མོ་གནང་རོགས།
ངས་ད་དུང་གཞོན་དུས་ཀྱི་འཚོ་བ་དང་།
བྱིས་དུས་ཀྱི་གཏམ་རྒྱུད་རིང་མོ་སོགས།
འདས་དོན་ཁོ་ནར་བཅོལ་
དགོས་པར་ཞེ་སེམས་ཕངས།
མི་ཚེའི་སྒལ་ཚིགས་ཀྱི་འཕྲང་ལམ་རེ་ལ།
དཀའ་སྡུག་གི་རྔུལ་ཆ་ཟགས་ཡོད་ལ།
མིག་ཆུའི་ཐིགས་ཕྲེང་ཐོར་ཡོད།
ལོ་ཟླ་གང་མང་ཞིག་གི་རྗེས་སུ།
སུ་ཞིག་གི་ལང་ཚོ་དེ་ཡལ་སོང་།
སུ་ཞིག་གིས་འདས་སོང་ལ་ཕྱིར་རྟོག་བྱས་སམ།
ངས་ཇི་སྲིད་བར་བརྗེད་དུ་མེད་པའི་ལོ་ཟླ།
སུ་ལའང་བརྗོད་དུ་མེད་པའི་ཐ་སྙད།
༼ མེ་ཆར། ༽