སྤྱི་ཟླ2པའི་ཚེས26ནས27ཉིན་བར། ཁུལ་ཨུའི་ཧྲུའུ་ཅི་ཀྲའོ་པོ་དང་། ཁུལ་ཨུའི་ཧྲུའུ་ཅི་གཞོན་པ། ཁུལ་དཔོན་ཧྥུང་ཧྥ་ཀུའེ་ཡིས་ལས་སྒྲུབ་རུ་ཁག་སྣེ་ཁྲིད་དེ་ཁྲེང་ཏུའུ་རུ་ཞིང་ཆེན་ཏང་ཨུ་འཐབ་ཕྱོགས་གཅིག་གྱུར་པུའུ་ཡི་པུའུ་ཀྲང་གཞོན་པ། བོད་འབྲེལ་གཞུང་ལས་ཁང་གི་ཀྲུའུ་རེན་ཞུས་ཅུན་དང་། ཞིང་ཆེན་འཕེལ་བསྒྱུར་ཨུ་ལྷན་གྱི་ཀྲུའུ་རེན་ཚའོ་ཅུན་ཅེ། ཞིང་ཆེན་ནོར་སྲིད་ཐིང་གི་ཐིང་ཀྲང་ལི་ཅ་ཡོན། ཞིང་ཆེན་སྐྱེ་ཁམས་ཁོར་ཡུག་ཐིང་གི་ཐིང་ཀྲང་ཀྲུང་ཁྲེན་ལིན་བཅས་དང་ལས་དོན་ཚོགས་མོལ་གནང་ཞིང་། འབྲེལ་ཡོད་ལས་དོན་ལ་སྤེལ་རེས་གང་ལེགས་བྱས་ཏེ་ཐུན་མོང་གི་ངོས་འཛིན་ཆགས་ཡོད།

ཚོགས་མོལ་ཁྲོད་དུ། ཀྲའོ་པོ་དང་ཧྥུང་ཧྥ་ཀུའེ་ཡིས་ཁུལ་ཨུ་དང་ཁུལ་སྲིད་གཞུང་གི་ཚབ་མཛད་དེ་ཞིང་ཆེན་ཏང་ཨུ་བོད་འབྲེལ་གཞུང་ལས་ཁང་དང་། ཞིང་ཆེན་འཕེལ་བསྒྱུར་ཨུ་ལྷན། ཞིང་ཆེན་ནོར་སྲིད་ཐིང་། ཞིང་ཆེན་སྐྱེ་ཁམས་ཁོར་ཡུག་ཐིང་བཅས་ཀྱིས་དུས་ཡུན་རིང་པོར་དཀར་མཛེས་ཁུལ་ལ་སེམས་ཁུར་དང་རྒྱབ་སྐྱོར་བྱས་པར་སྙིང་ཐག་པ་ནས་བཀའ་དྲིན་ཆེ་ཞུས་པར་མ་ཟད། ཁུལ་ཡོངས་ཀྱི་དཔལ་འབྱོར་སྤྱི་ཚོགས་འཕེལ་རྒྱས་དང་འབྲེལ་ཡོད་ལས་དོན་སྤེལ་ཚུལ་ངོ་སྤྲོད་རགས་ཙམ་གནང་བ་རེད། ཀྲའོ་པོ་ཡིས་ཉེ་བའི་ལོ་ཤས་རིང་། ཏང་ཀྲུང་དབྱང་དང་ཞིང་ཆེན་ཏང་ཨུའི་འགོ་ཁྲིད་བརྟན་པོ་དང་ཞིང་ཆེན་ཐད་གཏོགས་སྡེ་ཚན་གྱི་ཁྲིད་སྟོན་རོགས་རམ་འོག། དཀར་མཛེས་ཁུལ་གྱིས་བདེ་འཇགས་ཆུ་ཚད་མཐོན་པོ་དང་འཕེལ་རྒྱས་སྤུས་ཚད་མཐོན་པོ་ལ་སྤྱི་འདོམས་བྱས་ཤིང་། ཤུགས་ཡོད་རྒུས་དཔལ་འབྱོར་འགྲན་ཞིང་འཛུགས་སྐྲུན་བྱེད་པ་དང་། དམངས་འཚོར་ཕན་པ། བདེ་འཇགས་འགན་སྲུང་བཅས་བྱས་ཏེ། དཔལ་འབྱོར་འཁོར་སྐྱོད་བརྟན་ཐོག་ཡར་འཕེལ་ཡོང་བ་དང་དམངས་འཚོ་འགན་སྲུང་སྟོབས་ཡོད་ཕན་འབྲས་ཐོན་པ། སྤྱི་ཚོགས་སྤྱི་ཡོངས་འཆམ་མཐུན་བརྟན་བརླིང་ཡིན་པའི་རྣམ་པ་བཟང་པོ་ཆགས་ཡོད། ད་སྔར་དཀར་མཛེས་ཁུལ་གྱིས“ལོ་ལྔའི་འཆར་འགོད་བཅོ་ལྔ་པའི”དམིགས་འབེན་ལ་དམིགས་ཤིང་། ཁྱད་ཡོན་ཐོན་ལས་སྟོབས་ཆེན་དུ་གཏོང་བ་དང་འཕེལ་རྒྱས་སྐྱེ་ཁམས་ཇེ་ལེགས་སུ་གཏོང་བ། དམངས་འཚོ་འགན་སྲུང་དོན་ལ་གནས་པ་བཅས་ལ་ཕྱོགས་ནས་བབ་བསྟུན་འཕྲལ་སྒྲུབ་དང་རྗེས་སྙེག་མཆོང་བརྒལ་གྱིས་སྤྱི་ཚོགས་རིང་ལུགས་དེང་རབས་ཅན་གྱི་དཀར་མཛེས་ཁུལ་འཛུགས་སྐྲུན་མགྱོགས་སུ་བྱེད་བཞིན་ཡོད།（ པར་ངོས་གཉིས་པར་གཟིགས།）