སྤྱི་ཟླ2པའི་ཚེས26ཉིན་ལ་ཁུལ་ཨུའི་ཧྲུའུ་ཅི་ཀྲའོ་པོ་ཁྲེང་ཏུའུ་རུ་ཁུལ་སྲིད་གཞུང་གི་ཁྲེང་ཏུའུ་བཅའ་སྡོད་དོན་གཅོད་ཁང་དུ་བརྟག་དཔྱད་ཞིབ་འཇུག་དང་ལས་ཀ་མཛུབ་ཁྲིད་ལ་ཕེབས་པར་མ་ཟད། བརྙན་ལམ་བརྒྱུད་ནས་རྫོང་（གྲོང་ཁྱེར）ཁག་གི་ལས་རེས་ལས་སྲུང་གནས་ཚུལ་ལ་ཞིབ་བཤེར་དང་ཉེ་དུས་ཀྱི་གཙོ་གནད་ལས་དོན་སྙན་སེང་ལ་གསན་འཇོག་གནང་ཞིང་། ཁུལ་ཨུ་དང་ཁུལ་སྲིད་གཞུང་གི་ཚབ་མཛད་དེ་ཁུལ་ཡོངས་ཀྱི་ལས་རེས་ལས་སྲུང་མི་སྣར་ལྷག་བསམ་ཟོལ་མེད་ཀྱིས་འཚམས་འདྲི་གནང་བ་རེད། ཁོང་གིས་དཔྱིད་གསར་དུས་ཆེན་དང་བོད་ལོ་སར་ཚུན་རིམ་པ་ཁག་དང་སྡེ་ཚན་ཁག་གིས་ཁུལ་ཨུ་དང་ཁུལ་སྲིད་གཞུང་གི་བཀོད་སྒྲིག་དོན་འཁྱོལ་ནན་ཏན་བྱས་ཏེ་སྔོན་ལ་འཆར་འགོད་དང་ཧྲིལ་སྐྱོང་ལེགས་འཁོར་གྱིས་སྐུལ་བ། གནད་ལ་འཁེལ་བའི་ཐབས་ཇུས་ལག་བསྟར་དང་དོན་འཁྱོལ་ལས་ཆོད་ཆེན་པོ་བཅས་བྱས་ནས་ཁུལ་ཡོངས་ཀྱི་མི་རིགས་ཁག་གི་མང་ཚོགས་ཀྱི“དུས་ཆེན་གཉིས”སྤྲོ་སྣང་ཆེན་པོས་གཏོང་བར་ཞི་བདེ་གོ་རིམ་ལྡན་པའི་དུས་ཆེན་གྱི་སྣང་ཉམས་བསྐྲུན་ཡོད། དམག་འཐབ་བསྟུད་མར་བྱེད་པའི་སྤྱོད་ཚུལ་བཟང་པོ་དར་སྤེལ་དང་། མཐིལ་ཚད་ཀྱི་བསམ་གཞིགས་བརྟན་པོ་བཅང་དགོས། ཁྲོམ་རའི་མཁོ་སྤྲོད་འགན་ལེན་དང་དམངས་འཚོ་འགན་ལེན། སྤྱི་ཚོགས་བརྟན་བརླིང་། ཉེན་མེད་ཐོན་སྐྱེད། ནགས་རྩྭ་མེ་འགོག་མེ་གསོད་སོགས་གཙོ་གནད་ལས་དོན་ལ་གཅིག་གྱུར་གྱིས་འཆར་འགོད་ཡག་མོ་བྱེད་པ་དང་། གཙོ་གནད་ཁྱབ་ཁོངས་ཀྱི་ཉེན་ཁའི་མངོན་མེད་རྐྱེན་ངན་ཞིབ་བཤེར་བཅོས་སྒྲིག་བྱེད་ཤུགས་ཆེ་རུ་བཏང་ནས་སྤྱི་ཚོགས་སྤྱི་ཡོངས་བདེ་འཇགས་བརྟན་བརླིང་གི་རྣམ་པ་བཟང་པོ་རྒྱུན་ཆད་མེད་པར་སྲ་བརྟན་དུ་གཏང་དགོས་ཞེས་གསུངས།

ཁོང་གིས་ནན་གསུང་གནང་དོན། ཏང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་། ཞིང་ཆེན་ཏང་ཨུ། ཞིང་ཆེན་སྲིད་གཞུང་བཅས་ཀྱི་ཐབས་ཇུས་བཀོད་སྒྲིག་ལག་ལེན་མཐར་ཕྱིན་པ་བྱས་ཏེ། ཞིང་ཆེན་ཡོངས་ཀྱི་ལས་དོན་སྒྲུབ་འགན་འཁུར་བའི“ལོ་ལྔའི་འཆར་འགོད་བཅོ་ལྔ་པའི”འགོ་ཡག་མོ་རྩོམ་པའི་སྐུལ་སློང་བཀོད་སྒྲིག་ཚོགས་འདུའི་སྙིང་དོན་དོན་འཁྱོལ་ནན་ཏན་དང་། འགན་འཁྲིའི་འདུ་ཤེས་དང་ལས་འགན་འདུ་ཤེས། ཛ་དྲག་གི་འདུ་ཤེས་བཅས་སྔར་བས་ཆེ་རུ་གཏོང་བ་དང་། དངོས་སྒྲུབ་དང་ལས་དོན་སྒྲུབ་འགན་འཁུར་ཕོད་པ། མ་སྐུལ་དང་བླངས་ཀྱིས་བྱ་སྤྱོད་སྤེལ་བ། ལས་འགོ་བཙུགས་མ་ཐག་ནས་མཇུག་འགྲན་ཡིན་པ་དང་གོམ་ཁ་བསྒྱུར་མ་ཐག་ནས་གདོང་མཆོང་ཡིན་པའི་འབད་སྐྱོད་ཉམས་འགྱུར་ཐོག་ནས་རང་ཁུལ་གྱི“ལོ་ལྔའི་འཆར་འགོད་བཅོ་ལྔ་པའི”འགོ་རྩོམ་དམག་འཐབ་ཤུགས་ཡོད་རྒུས་ཡག་པོ་བརྒྱག་དགོས།

ཁུལ་ཨུའི་ཧྲུའུ་ཅི་གཞོན་པ། ཁུལ་དཔོན་ཧྥུང་ཧྥ་ཀུའེ་བརྟག་ཞིབ་ནང་ཞུགས་ཤིང་བཀོད་གཏོང་ཚོགས་འདུར་ཞུགས་པ་རེད།

ཁུལ་ཨུའི་རྒྱུན་ཨུ། རྩ་འཛུགས་པུའུ་ཡི་པུའུ་ཀྲང་ཝང་ཞིང་ཆོན་དང་ཁུལ་རིམ་པའི་འབྲེལ་ཡོད་སྡེ་ཚན་གྱི་འགན་འཁུར་བློ་མཐུན་བརྟག་ཞིབ་བཀོད་གཏོང་ནང་ཞུགས་པ་རེད།། ( ལྷ་འཛོམས་ཀྱིས་བསྒྱུར།)