（ པར་ངོས་དང་པོར་མཐུད།）

ཞིང་ཆེན་ཏང་ཨུ་བོད་འབྲེལ་གཞུང་ལས་ཁང་དང་། ཞིང་ཆེན་འཕེལ་བསྒྱུར་ཨུ་ལྷན། ཞིང་ཆེན་ནོར་སྲིད་ཐིང་། ཞིང་ཆེན་སྐྱེ་ཁམས་ཁོར་ཡུག་ཐིང་བཅས་ཀྱིས་སྔར་བཞིན་དཀར་མཛེས་ཁུལ་གྱི་དཔལ་འབྱོར་སྤྱི་ཚོགས་འཕེལ་རྒྱས་ལ་སེམས་ཁུར་གནང་བ་དང་། དཀར་མཛེས་ཁུལ་གྱིས་རིག་གནས་ཡུལ་སྐོར་དང་ནུས་ཁུངས་གཙང་མ། ཁྱད་ཆོས་ཞིང་འབྲོག་བཅས་དོན་ཆེན་གསུམ་ཡག་པོ་བསྒྲུབ་པར་ཁྲིད་སྟོན་དང་རོགས་རམ་བྱས་ནས། དཀར་མཛེས་ཁུལ་གྱིས་བློ་བརྟན་འགྱུར་མེད་ངང་བོད་བརྟན་ཁམས་བདེའི་འཐབ་ཇུས་གནད་ས་སྲ་བརྟན་ཡོང་བའི་འགན་འཁྲི་ཆེན་པོ་འཁུར་བ་དང་། འབྲི་ཆུ་དང་རྨ་ཆུའི་སྟོད་རྒྱུད་ཀྱི་སྐྱེ་ཁམས་སྲུང་ཡོལ་མུ་མཐུད་བརྟན་པོར་བསྐྲུན་པ། བརྟན་བརླིང་དང་འཕེལ་རྒྱས། སྐྱེ་ཁམས། དམངས་འཚོ་བཅས་བྱ་གཞག་ཁག་གོང་འཕེལ་གསར་པ་ཡོང་བ་དང་རྣམ་པ་གསར་པ་གཏོད་པར་སྐུལ་བ། ཞིང་ཆེན་ཡོངས་ཀྱི་འཕེལ་རྒྱས་སྤྱི་ཡོངས་ལ་ཞབས་འདེགས་དེ་བས་ཡག་པོ་ཞུ་བར་རོགས་དན་བྱ་རྒྱུའི་རེ་བ་ཡོད་ཅེས་གསུངས་པ་རེད།

ཞུས་ཅུན་གྱིས་ཉེ་བའི་ལོ་ཤས་རིང་དཀར་མཛེས་ཁུལ་གྱི་དཔལ་འབྱོར་སྤྱི་ཚོགས་འཕེལ་རྒྱས་ལ་གྲུབ་འབྲས་བཟང་པོ་ཐོབ་པར་རྟེན་འབྲེལ་ཞུས་ཤིང་། དཀར་མཛེས་ཁུལ་གྱིས་ཀྲུང་ཧྭ་མི་རིགས་ཀྱི་གཅིག་མཐུན་འདུས་གྲུབ་འདུ་ཤེས་བརྟན་པོར་འཆང་བ་གཙོ་ཕྱོགས་སུ་བྱེད་པ་རྒྱུན་འཁྱོངས་ཤིང་། རྒྱལ་ཡོངས་མི་རིགས་མཐུན་སྒྲིལ་ཡར་ཐོན་དཔེ་སྟོན་ཁུལ་འཛུགས་པའི་གྲུབ་འབྲས་མུ་མཐུད་དེ་སྲ་བརྟན་གཏོང་བའི་ཐུགས་རེ་གནང་། ཁོང་གིས་ཞིང་ཆེན་བོད་འབྲེལ་གཞུང་ལས་ཁང་གིས་མུ་མཐུད་དེ་ཏང་ཀྲུང་དབྱང་དང་ཞིང་ཆེན་ཏང་ཨུའི་འཐབ་ཇུས་བཀོད་སྒྲིག་གལ་ཆེན་ལ་དམ་པོར་དམིགས་ཤིང་། དཀར་མཛེས་ཁུལ་དང་འབྲེལ་འདྲིས་དམ་ཟབ་དང་འབྲེལ་མཐུད་གནད་སྨིན་བྱེད་ཅིང་། འཆད་འགོད་དམ་འཛིན་དང་ཁྱད་ཡོན་དར་སྤེལ། གཙོ་གནད་མངོན་གསལ་བཅས་ཀྱིས་དཀར་མཛེས་ཁུལ་འཕེལ་རྒྱས་སྤུས་ཚད་མཐོན་པོར་དང་བདེ་འཇགས་ཆུ་ཚད་མཐོན་པོར་ཡོང་བ་མཉམ་དུ་བསྐུལ་རྒྱུ་ཡིན་ཞེས་གསུངས་པ་རེད།

ཚའོ་ཅུན་ཅེ་ཡིས་དཀར་མཛེས་ཁུལ་གྱི་ལས་དོན་ལ་གདེང་འཇོག་གནང་ཞིང་། རྒྱབ་སྐྱོར་གྱི་རེ་དོན་ལ་ལན་བཏབ་པ་རེད། ཁོང་གིས་དཀར་མཛེས་ཁུལ་གྱི་ཚད་དཔོག་གནད་ལ་ཁེལ་བ་དང་བསམ་ཕྱོགས་གསལ་པོ་ཡིན་ཞིང་འཕེལ་རྒྱས་གྲུབ་འབྲས་མངོན་གསལ་ཡིན། ཞིང་ཆེན་འཕེལ་བསྒྱུར་ཨུ་ལྷན་གྱིས་ཞིང་ཆེན་ཏང་ཨུ་དང་སྲིད་གཞུང་གི་བཀོད་སྒྲིག་བླང་བྱ་དོན་ལ་ནན་ཏིག་འཁྱོལ་བ་དང་། དཀར་མཛེས་ཁུལ་གྱི་དངོས་ཡོད་གནས་ཚུལ་དང་དུས་བབ་ལས་འགན་དང་ཟུང་འབྲེལ་དམ་ཟབ་བྱེད་ཅིང་། དཀར་མཛེས་ཁུལ་གྱི་ཁ་ཚ་དགོས་གཏུག་དང་འཕེལ་རྒྱས་རེ་འདུན་ལ་མནོ་བསམ་གང་ལེགས་བཏང་ནས་ཤུགས་སྔར་བས་ཆེན་པོ་དང་བྱེད་ཐབས་སྔར་བས་དོན་ལ་གནས་པས་དཀར་མཛེས་ཁུལ་དེང་རབས་ཅན་འཛུགས་སྐྲུན་ལ་རོགས་སྐུལ་བྱ་རྒྱུ་ཡིན་ཞེས་གསུངས་པ་རེད།

ལི་ཅ་ཡོན་གྱིས་དཀར་མཛེས་ཁུལ་གྱིས་ནོར་སྲིད་ལས་དོན་ལ་མཐོང་ཆེན་དང་དོ་ཁུར་བྱས་པར་བཀའ་དྲིན་ཆེ་ཞུས་ཤིང་། ཁོང་གིས་ཞིང་ཆེན་ནོར་སྲིད་ཐིང་གིས་ཞིང་ཆེན་ཏང་ཨུ་དང་ཞིང་ཆེན་སྲིད་གཞུང་གི་བཀོད་སྒྲིག་བླང་བྱ་དོན་ལ་ནན་ཏིག་འཁྱོལ་བ་དང་། དཀར་མཛེས་ཁུལ་གྱི་འཕེལ་རྒྱས་སྤུས་ཚད་མཐོན་པོ་ལ་དམིགས་ཤིང་། འབྲེལ་འདྲིས་དང་འབྲེལ་མཐུད་བྱེད་ཤུགས་ཆེ་རུ་གཏོང་བ། སྲིད་ཇུས་ཀྱི་རྒྱབ་སྐྱོར་དང་ལས་སྒོའི་ཁྲིད་སྟོན་ཡག་པོ་བྱས་ཏེ། དཀར་མཛེས་ཁུལ་གྱི་ནོར་སྲིད་ལས་དོན་སྤུས་འབྲས་འཕར་བར་རོགས་སྐུལ་བྱ་རྒྱུ་ཡིན། དཀར་མཛེས་ཁུལ་གྱིས་ནོར་སྲིད་སྲིད་ཇུས་དགེ་མཚན་ལྡན་པ་ལག་ལེན་བསྟར་བ་དང་། གནད་ལ་སྨིན་ཚད་དང་ཕན་འབྲས་རང་བཞིན་ཆེ་རུ་བཏང་སྟེ། དཔལ་འབྱོར་སྤྱི་ཚོགས་འཕེལ་རྒྱས་ཀྱི་སྤྱི་ཡོངས་ལ་ཞབས་འདེགས་དེ་བས་ཡག་པོ་ཞུ་བའི་རེ་བ་ཡོད་ཅེས་གསུངས་པ་རེད།

ཀྲུང་ཁྲེན་ལིན་གྱིས་དཀར་མཛེས་ཁུལ་ཨུ་དང་ཁུལ་སྲིད་གཞུང་གིས་སྐྱེ་ཁམས་ཁོར་ཡུག་སྲུང་སྐྱོང་ལས་དོན་ལ་མཐོང་ཆེན་བྱས་པར་སྙིང་ཐག་པ་ནས་བཀའ་དྲིན་ཆེ་ཞུས་ཤིང་། ཁོང་གིས་དཀར་མཛེས་ཁུལ་གྱིས་རྒྱུད་རིམ་ལྡན་པའི་འདུ་ཤེས་རྒྱུན་འཁྱོངས་ཤིང་། དཔྱད་དཔོག་ཚན་རིག་དང་མཐུན་ཞིང་རིགས་བཀར་ནས་ཐབས་ཇུས་སྤྱད་པ། སྐྱེ་ཁམས་ཁོར་ཡུག་ས་ཁོངས་བགོས་ནས་དོ་དམ་ཚོད་འཛིན་གྱི་བླང་བྱ་དོན་ལ་ཏན་ཏིག་འཁྱོལ་བ། སྐྱེ་ཁམས་ཁོར་ཡུག་སྲུང་སྐྱོང་གི་དམར་ཐིག་ནན་སྲུང་དང་། གོ་སྒྲིག་ལྡན་པས་ཁོར་ཡུག་སྲུང་སྐྱོང་ལྟ་ཞིབ་ཕྱིར་བསློགས་གནད་དོན་དག་ཐེར་ལ་སྐུལ་བ། དཀར་མཛེས་ཁུལ་མཛེས་སྡུག་ལྡན་པ་འཛུགས་པར་དམིགས་ནས་ལས་ཚན་གལ་ཆེན་ཁག་གཅིག་ཇུས་འགོད་ལག་ལེན་བསྟར་ཏེ། དཀར་མཛེས་ཁུལ་གྱི་དཔལ་འབྱོར་སྤྱི་ཚོགས་བརྟན་པོ་དང་སྐྱོན་བྲལ་འཕེལ་རྒྱས་ཡོང་བར་རོགས་རམ་བྱ་དགོས་པའི་ཐུགས་རེ་གནང་བ་རེད།

ཞིང་ཆེན་ཏང་ཨུ་བོད་འབྲེལ་གཞུང་ལས་ཁང་གི་ཆེད་འགན་ཀྲུང་རེན་གཞོན་པ་ཀྲང་ཏེ་ཧྥ་དང་། སྐོར་ཞིབ་པ་རིམ་པ་གཉིས་པ་མཱ་ཡོན། ཞིང་ཆེན་འཕེལ་བསྒྱུར་ཨུ་ལྷན་ཏང་ཚན་ཁག་གི་ཁོངས་མི་དང་ཀྲུའུ་རེན་གཞོན་པ་ཧོང་ཡུང་། ཞིང་ཆེན་ནོར་སྲིད་ཐིང་ཏང་ཚན་ཁག་གི་ཁོངས་མི་དང་ཐིང་ཀྲང་གཞོན་པ་ལིའུ་དབྱིན་ཧའོ། ཞིང་ཆེན་ཁོར་ཡུག་སྲུང་སྐྱོང་ཐིང་ཏང་ཚན་ཁག་གི་ཁོངས་མི་དང་ཐིང་ཀྲང་གཞོན་པ་ཀའོ་ཅེ་དང་ལེ་དབྱི། ཁུལ་མགོ་ཁྲིད་ཡིའུ་ཞང་ཧྥེ་དང་ཝང་ཞིང་ཆོན། ཧོ་ཞའོ་ཕིང་བཅས་འབྲེལ་ཡོད་ཚོགས་མོལ་དུ་ཞུགས་པ་རེད།།

( སྐལ་ཐུབ་ཀྱིས་བསྒྱུར།)