སྤྱི་ཟླ3པའི་ཚེས15ཉིན་གྱི་སྔ་དྲོར། དཀར་མཛེས་ཁུལ་གྱི2026ལོའི་ལོ་སྟོད་ཀྱི་གསར་ཞུགས་དམག་མིའི་དགའ་སྐྱེལ་མཛད་སྒོ་དེ་དར་མདོའི་མཛའ་གཞས་ཐང་ཆེན་དུ་སྤེལ་བ་རེད། ཁུལ་ཨུའི་ཧྲུའུ་ཅི་གཞོན་པ། སྲིད་ཁྲིམས་ཨུ་ལྷན་གྱི་ཧྲུའུ་ཅི་ཀའོ་ཀྲན་དང་ཁུལ་ཨུའི་རྒྱུན་ཨུ། དཀར་མཛེས་ཡན་ལག་དམག་ཁུལ་གྱི་ཏ་ཞའོ་ཆབ་སྲིད་ཨུ་ཡོན་ཧོ་ཞན་ཅིན། ཁུལ་མི་དམངས་འཐུས་ཚོགས་རྒྱུན་ལས་ཨུ་ལྷན་གྱི་ཀྲུའུ་རེན་གཞོན་པ་དབྱང་ཧུའེ་ཆིང་། ཁུལ་སྲིད་གྲོས་ཀྱི་ཀྲུའུ་ཞི་གཞོན་པ་ལིའུ་ཧུང་སོགས་དམག་ཁུལ་དང་ས་གནས་ཀྱི་མགོ་ཁྲིད་མཛད་སྒོར་བཞུགས་ནས་ལས་བྱེད་མང་ཚོགས་དང་དམག་མི་གསར་པའི་ཁྱིམ་མི་བཅས་མི་སྟོང་ལྷག་མཉམ་དུ་འཛོམས་ནས་ཁམས་པའི་བུ་དང་བུ་མོས་རང་ཉིད་ཀྱི་ལང་ཚོ་མེས་རྒྱལ་ལ་འབུལ་བའི་གཟི་བརྗིད་ཀྱི་དུས་ཚོད་དེར་བདེན་དཔང་བྱས་ཡོད།

མཛད་སྒོར་དམག་མི་གསར་པའི་འཐུས་མི་ཤན་ཁོའོ་ཅེ་ཡིས་ཐོག་མར་གཏམ་བཤད་བྱས། ཁོས་ཕ་ཡུལ་མི་དམངས་ཀྱི་མངགས་བཅོལ་ཐོག་མཐའ་བར་གསུམ་དུ་བློ་ལ་བརྟན་པོར་ངེས་ནས་དམག་སྒར་ནང་དཀའ་སྤྱད་སྦྱོང་བརྡར་དང་དཔའ་ངར་ཆེན་པོས་སྔོན་ཐོན་བརྩོན་ལེན་བྱས་ཏེ་ཕུལ་བྱུང་གྲུབ་འབྲས་ཀྱིས་ཕ་ཡུལ་ལ་གཟི་བརྗིད་བརྩོན་ལེན་དང་ཁྱིམ་མིར་བཟང་དྲིན་འཇལ་རྒྱུ་ཡིན་ཞེས་བཤད། （ པར་ངོས་གཉིས་པར་གཟིགས།）