སྐྱེ་བ་འདི་དང་ཕྱི་མ།
རྣམ་ཤེས་ཀྱི་རྒྱུད་པ་གཅིག་ཏུ་གྲུབ་ཀྱང་།
ཚེ་རབས་ཀྱིས་བར་དུ་བཅད་པ་ནས་བཟུང་།
ངས་ཁྱོད་ཀྱི་དོན་དུ་སེམས་ཁྲལ་ཙམ་ཡང་བཟོ་བར་མི་འདོད།
ལྟག་རྒྱབ་ཀྱི་རི་འགོར་ཚེས་པའི་དབྱར་ཁ།
འུ་ཅག་དང་འབྲེལ་སྣང་བྲོ་ཡང་།
ཁོ་བོར་མཚོན་ན། འཁྲུལ་སྣང་གི་ཟམ་པ་ཙམ།
ཉི་ཟླའི་འཆར་ནུབ་འཆར་སའི་མིག་ཤེལ་འདི།
ད་དུང་ཆུ་བོར་སྦང་དགོས་པར་འདུག།
བསམ་གཞིགས་ཀྱི་ཀློང་ནས་རྙེད་པའི་ས་བོན།
དངོས་ཡོད་འཚོ་བའི་ནང་དུ་ཅི་ཞིག་བྱ།
སྡོང་པོ་སྐྱེའམ། ཡང་ན་མེ་ལོང་ཉོ།
ང་ཚོས་འཁྲུལ་སྣང་གི་གསེར་ཟམ་བཙུགས་ཤིང་།
འདི་དང་ཕྱི་མ་སྦྲེལ་བྱེད་དུ་སྨོན་ལམ་འདེབས།
ངས་བསམ་པར། ཕྱི་མ་ཡོད་དུ་ཆུགས་ཀྱང་།
ང་དང་འབྲེལ་བ་མི་འདུག་སྙམ།
༼ སད་མི། ༽