གསར་འགོད་པར་ཀྲུང་གོ་ཉིང་རྡུལ་ནུས་པའི་ལས་རིགས་མཐུན་ཚོགས་ནས་ཤེས་རྟོགས་བྱུང་བར། མིག་སྔའི་བར། རང་རྒྱལ་གྱི་སྐམ་ས་ཆེན་པོའི་ས་ཁུལ་དུ་གཉེར་སྐྱོང་བྱེད་བཞིན་པ་དང་འཛུགས་སྐྲུན་གྱི་ཞིབ་དཔྱད་ཆོག་འཐུས་ཐོབ་པའི་ཉིང་རྡུལ་འཕྲུལ་ཚན་ཁྱོན112ཡོད་པ་དང་། གློག་འདོན་འཕྲུལ་འཁོར་ནས་གློག་འདོན་ཚད་ཆན་ཝ་དུང་ཕྱུར1.25ཟིན་ཏེ་ཉིང་རྡུལ་གློག་ཁང་གི་གློག་འདོན་གཞི་ཁྱོན་འཛམ་གླིང་གི་ཨང་དང་པོར་སླེབས་པ་དང་། དེའི་ནང་སྤྱོད་བཞིན་པའི་འཕྲུལ་ཚན60ཡི་གློག་འདོན་ཚད་ཆན་ཝ་ཁྲི་6369ཟིན་ནས་འཛམ་གླིང་གི་ཨང་གསུམ་པར་སླེབས་ཡོད།

“ལོ་ལྔ་ཚན་བཅུ་བཞི་པའི”རིང་། རང་རྒྱལ་གྱི་ཉིང་རྡུལ་གློག་ཁང་ནས་རིམ་རྩིས་བརྒྱབ་ན་གློག་གཏོང་ཚད་ཆུ་ཚོད་ཆན་ཝ་དུང་ཕྱུར་ཁྲི2ལྷག་ལ་ཟིན་པ་དེས་དབྱང་གཉིས་ཐཱན་འགྱུར་འབུད་ཚད་ཏུན་དུང་ཕྱུར15.3ཉུང་དུ་བཏང་ཕྱིན་པ་དང་ཧ་ལམ་མཚུངས་ཡོད། ཉིང་རྡུལ་གློག་ཁང་གཉེར་སྐྱོང་བྱེད་སྐབས་ཐོག་མཐའ་བར་གསུམ་དུ“བདེ་འཇགས་དང་སྤུས་ཚད་ཨང་དང་པོར”འཇོག་རྒྱུ་མཐའ་འཁྱོངས་བྱེད་བཞིན་ཡོད། རང་རྒྱལ་གྱི་རབས་གསུམ་པའི་ཉིང་རྡུལ་གློག་ཁང་གི་འཕྲུལ་ཚན་རང་རྒྱལ་ནས་ཐོན་སྐྱེད་བྱེད་ཚད་བརྒྱ་ཆ95ཡན་བར་མཐོ་རུ་ཕྱིན་ནས་ལོ་ལྟར་ཉིང་རྡུལ་གློག་ཁང་གི་སྒྲིག་ཆས་གཙོ་བོ10（ཆ་ཚང）ཡན་བཟོ་བའི་ནུས་པ་ལྡན་ལ་ཉིང་རྡུལ་གློག་ཁང་གི་འཕྲུལ་ཚན50སྐྲུན་པའི་ལས་གྲྭའི་ནུས་པའང་ལྡན་ཡོད་པ་རེད།

《ཀྲུང་གོའི་ཉིང་རྡུལ་ནུས་པ་འཕེལ་རྒྱས་སྙན་ཞུའི（2026ལོ）》ནང་མངོན་པར་གཞིགས་ན། རང་རྒྱལ་དུ་ཉིང་རྡུལ་གློག་ཁང་གི་སྒྲིག་ཆས་གཙོ་བོ་བརྒྱ་ཆ100རྒྱལ་ཐོན་ཅན་མངོན་འགྱུར་བྱུང་བ་དང་འགག་རྩའི་ལྷུ་ལག་གི་ལག་རྩལ་རང་བརྟེན་ཚོད་འཛིན་ཐུབ་ཀྱི་ཡོད།།

（ མི་དམངས་ཉིན་རེའི་ཚགས་པར་ནས་དྲངས།）