མཛེས་པའི་ལྗོན་ཤིང་ཕྲ་མོ།།
སྐྱེད་པའི་ལང་ཚོ་བཀྲ་འདུག།
ཁམ་ཤིང་མེ་ཏོག་རྒྱས་བཞིན།
ཁམ་བུ་ཁ་ལ་ཞིམ་སོང་།།
དཔྱིད་དཔལ་ག་ལེར་བཞད་ནས།།
ཡུལ་ལུང་མཛེས་པའི་ཞལ་ཁ།།
དེ་རིང་ཁ་སང་བཞད་བཞིན།།
འདྲེན་བྱེད་ལམ་ལ་མངོན་འདུག།
ལྡེམ་པའི་ཁམ་ཤིང་སྡོང་པོར།།
འདབ་མ་མཛེས་སྡུག་བཞད་འདུག།
འདབ་ལོ་རླུང་གིས་སྤུར་ནས།།
འདྲེན་བྱེད་ལམ་ལ་སྡུག་སོང་།།
ཡུལ་གྱི་ཁ་དོག་བརྗེས་ཤིང་།།
ལྗོན་པའི་ལྗང་མདོག་སྔོ་བྱུང་།།
དག་པའི་བསོད་ནམས་ཞིང་དུ།།
མཛེས་སྡུག་རྣམ་པ་སྨིན་སོང་།།
ཁམ་ཤིང་ལམ་ཕྲན་བརྒྱན་སོང་།།
མེ་ཏོག་ཡུལ་དུ་འཐོར་འདུག།
མཛེས་པའི་ལྷ་ལམ་བཞིན་དུ།།
གང་སར་མཛེས་སྡུག་རྒྱས་སོང་།།
ལྗོན་ཤིང་དཔལ་གྱིས་དུད་ལ།།
སེམས་པ་ཡིད་སྤྲོ་གནང་བྱུང་།།
དགའ་སྐྱོ་ཚོར་བའི་འདྲེས་མ།།
ངའི་སྣང་འཇམ་པོ་མྱོས་སོང་།།
༼ སྙན་རྐང་གླིང་། ༽