（པར་ངོས་དང་པོར་མཐུད།）

ཚོགས་འདུར་བསྟན་དོན། སྐབས་རིམ་བྱུང་གི་ཁུལ་ཨུ་དང་ཁུལ་སྲིད་གཞུང་གི་འབད་བརྩོན་ལྷོད་མེད་འོག། རྒྱུན་གཏན་ལས་བརྒལ་བའི་བྱེད་ཐབས་ལ་བརྟེན་ནས་བྲག་མདོ་མྱུར་ལམ་ལ་བསྐུལ་ཏེ། ལོ3ནང་ཚུད་དུ་འཆར་འགོད་ནང་བཅུག་པ་ནས་ལས་འགོ་འཛུགས་པའི་བར་མི་སྲིད་པ་དེ་སྲིད་པ་དང་འཆར་འགོད་འཆར་རིས་དེ་དོན་དངོས་སུ་བསྒྱུར་དགོས། ཐོབ་པར་དཀའ་བའི་གྲུབ་འབྲས་དེར་རིམ་ཁག་ལས་བྱེད་པའི་དཀའ་སྡུག་འདུས་ཡོད་པས་ངེས་པར་དུ་གཅེས་སྤྲས་ལྡབ་འགྱུར་བྱ་དགོས།

ཚོགས་འདུར་བསྟན་དོན། འགན་འཁྲི་འདུ་ཤེས་འཛིན་ཤུགས་ཆེ་རུ་ཏན་ཏིག་གཏང་དགོས། དགོས་གཏུག་འདུ་ཤེས་འཛིན་ཤུགས་ཆེ་རུ་ཏན་ཏིག་གཏང་དགོས་ཞེས་ནན་གསུང་གནང་།

ཚོགས་འདུར། བྲག་མདོ་མྱུར་ལམ་སྤྱི་གཉེར་ཁང་གིས་མྱུར་ལམ་ལས་གཞི་ལ་སྐུལ་འདེད་གཏོང་ཚུལ་དང་ཡུན་རིང་ས་ཆ་སྤྱོད་པའི་ཚོ་ཆུང་ལ་ཆོག་མཆན་ཞུ་བའི་ལས་དོན་སྤེལ་ཚུལ་སྙན་སེང་ཞུས་པ་རེད་། དར་མདོ་དང་རྟའུ། བྲག་མགོ་བཅས་རྫོང(གྲོང་ཁྱེར)3གྱི་སྲིད་གཞུང་དང་ཁུལ་འགྲིམ་འགྲུལ་སྐྱེལ་འདྲེན་ཅུས། ཁུལ་རང་བྱུང་ཐོན་ཁུངས་དང་འཆར་འགོད་ཅུས། བོད་མཐོ་ཚོགས་པ་སོགས་སྡེ་ཚན་ཁག་གི་འགན་ཁུར་བས་ཚོགས་འདུར་གཏམ་བཤད་བྱས་པ་རེད།

ཁུལ་སྲིད་གཞུང་གི་ཁུལ་དཔོན་གཞོན་པ་ཅིན་ཐེན་ཆང་གིས་གྲོས་ཚོགས་གཙོ་སྐྱོང་བྱས་པ་དང་། ཁུལ་སྲིད་གཞུང་གི་དྲུང་ཆེན། དར་མདོ། རྟའུ། བྲག་མགོ་བཅས་རྫོང(གྲོང་ཁྱེར)3གྱི་སྲིད་གཞུང་དང་། ཁུལ་རིམ་པའི་འབྲེལ་ཡོད་སྡེ་ཁག། མྱུར་ལམ་རྒྱུད་ཀྱི་ཡུལ་ཤོག་དང་གྲོང་རྡལ་གྱི་འགན་འཁུར་པ་གཙོ་བོ་ཚོགས་འདུར་ཞུགས་ཡོད།

ཚོགས་འདུ་མ་འཚོག་གོང་། དབྱང་ཧུང་ཧྲོའུ་ད་དུང་རྟའུ་རྫོང་ལུང་བསྟན་ཡུལ་ཤོག་ཏུ་ཕེབས་ཏེ་ཡུལ་དངོས་ནས་བྲག་མདོ་མྱུར་ལམ(རྟའུ་ས་མཚམས)ལུང་བསྟན་ཕྱོགས་འདུས་ལས་གཞི་འཛུགས་སྐྲུན་བྱེད་ཚུལ་ལ་གཟིགས་ཞིབ་གནང་བ་དང་འབྲེལ་ཡོད་ལས་དོན་སྙན་སེང་ལ་གསན་པ་རེད།། ( ཨོ་རྒྱན་གྱིས་བསྒྱུར།)