ཟིམ་ཟིམ་ཆར་གྱིས་རི་གྲོང་ཞལ་རས་འཁྲུད།།
ལྡེམ་ལྡེམ་དཀར་དམར་མེ་ཏོག་གོང་བུ་དགོད།།
མཛེས་མཛེས་དཔྱིད་ཀྱི་དཔལ་གཡང་འཛུམ་པའི་ཀློང་།།
ཆུང་ཆུང་བྱིས་པའི་དྲུག་གཅིག་དུས་ཆེན་བསུ།།
ལུས་ལ་མཛེས་པའི་རྒྱན་བཟང་སྣ་ཚོགས་སྒྲོན།།
ངག་ནས་སྙན་པའི་གླུ་དབྱངས་སྣ་ཚོགས་ལེན།།
ཡིད་ལ་སྐྱིད་པའི་བྲོ་གར་སྣ་ཚོགས་འཁྲབ།།
ཆུང་ཆུང་བྱིས་པའི་དྲུག་གཅིག་དུས་ཆེན་ཡག།
ཡིད་འོང་ཞལ་རས་མཛེས་འཛུམ་མེ་ཏོག་འཁྲུངས།།
དབྱངས་གསལ་སོ་བཞིའི་དབྱངས་རྟ་ངག་ནས་གྱེར།།
ཤེས་རིག་བདུད་རྩི་རོལ་བའི་བྱིས་པ་དག།
དྲུག་གཅིག་དུས་ཆེན་དགའ་བདེས་ཁེངས་པར་ཤོག།
ཤེས་ལྡན་ལེགས་བཤད་སྦྲང་ཆར་ཟིམ་མའི་འོག།
ལང་ཚོའི་མེ་ཏོག་དལ་གྱིས་བཞད་པ་ཡི།།
ཉམས་དགའ་སློབ་གླིང་འགྲིམས་པའི་བྱིས་པ་ཚོ།།
རེ་བའི་འབྲས་བཟང་སྨིན་པའི་ཁ་གཡང་འབོད།།
ཡོན་ཏན་ངོམས་པ་མེད་པར་མདུན་དུ་སྐྱོད།།
བརྩོན་འགྲུས་ལྷོད་པ་མེད་པའི་ཆུ་མོ་བཞུད།།
དཔེ་ཁུག་རྒྱབ་ལ་ཁུར་བའི་བྱིས་པ་ཚོ།།
རྗེ་བཙུན་བརྟན་པའི་འཁོར་ལོས་ཤེས་རབ་སྩོལད།།
ཤེས་རིག་མེ་ཏོག་འཛུམ་པའི་དགའ་ཚལ་ཀློང་།།
རྣམ་དཔྱོད་རིག་པའི་གཤོག་ཟུང་རྒྱང་རིང་རྐྱོང་།།
མ་འོངས་ལེགས་ལམ་འཚོལ་བའི་བྱིས་པ་དག།
བསམ་བའི་དོན་ཀུན་འགྲུབ་པའི་བཀྲ་ཤིས་ཤོག།
༼ རྐང་ལམ་དཀར་པོ། ༽