ཞོགས་པར་དེར།
ཉི་འོད་ཀྱི་ཟེར་མ་འཕྲོས་བྱུང་།
དྭངས་གཙང་གི་མཁའ་དབུགས་དེའང་སྔར་ལས་ཡག་སོང་།
བྱ་ཚོགས་ཀྱི་སྐད་ངག་ཀྱང་སྔར་ལས་སྙན་སོང་།
མདོར་ན། བྱིས་པ་ཚོས།
ལང་ཚོའི་སྨྱུག་ཁར་མེ་ཏོག་གི་ཆར་པ་ག་ལེར་ཐོར་སོང་།
མ་འོངས་པའི་རེ་བཞག་ལ་དན་རྟགས་
གསལ་པོ་ཞིག་བྲིས་སོང་།
མི་རིགས་ལ་བརྩེ་དུང་གཙང་མ་ཞིག་
འཆང་གིན་འཚར་ལོངས་བྱུང་སོང་།
གང་ལྟར།
ཁྱེད་ཚོ་ནི་ཁོ་བོའི་མི་ཚེ་ནང་གི་ཆེས་མེད་དུ་
མི་རུང་བའི་གཅེས་ཕྲུག་དག་ཡིན།
མི་རབས་རྗེས་མའི་ཐ་སྙད་དག་སྐྱོ་ངལ་གྱི་
འོབས་སུ་ལྷུང་དུས།
ཁྱེད་ཅག་གིས་མི་སྐྱོབ་སུ་ཡིས་སྐྱོབ་ཨང་།
མཚན་མོ་འདིར།
སྙིང་ཉེ་བ་དག་གཉིད་ཀྱི་གཏིང་ལ་ཞུགས་སོང་།
ངས། རྒྱང་རིང་གི་ཕྱེ་ལེབ་དག་ལ་མི་ཚེའི་
དབྱངས་རྟ་ཞིག་དཀྲོལ་བར་བྲེལ།
༼ རྒྱ་ཚང་སྨོན་ལམ། ༽
དྲུག་གཅིག་བྱིས་པའི་དུས་ཆེན་ལ་ཕུལ་བ།