རང་རྒྱལ་གྱི《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་བདེ་སྲུང་དོ་དམ་ཆད་གཅོད་བཅའ་ཁྲིམས》ཀྱི་དོན་ཚན52པའི་གཏན་འབེབས་ལྟར་ན།　གཤམ་གསལ་གྱི་བྱ་སྤྱོད་ལས་རིགས་གཅིག་ཡོད་ན་ཉིན10ནས་ཉིན15ཡི་བཀག་ཉར་གྱི་ཆད་པ་གཅོད་པར་མ་ཟད་སྒོར1000མན་གྱི་དངུལ་ཆད་ཀྱང་གཅད་ངེས།　ཉེས་ཚབས་ཅུང་ཆུང་བར་ཉིན5ནས་ཉིན10ཡི་བཀག་ཉར་གྱི་ཆད་པ་གཅོད་པར་མ་ཟད།　སྒོར500མན་གྱི་དངུལ་ཆད་ཀྱང་གཅད་ངེས།

གཅིག།　རྒྱལ་ཁབ་ལས་ཁུངས་དང་མི་དམངས་ཚོགས་པ།　ཁེ་ལས།　ལས་དོན་སྡེ་ཁག་བཅས་སམ་རྩ་འཛུགས་གཞན་དག་གི་གཞུང་ཡིག་དང་དཔང་ཡིག།　བདེན་དཔང་ཡི་གེ།　ཐམ་ག་བཅས་རྫུན་བཟོ་དང་བསྒྱུར་བཟོ།　ཉོ་འཚོང་བཅས་བྱས་པའི་རིགས།

གཉིས།　རྫུན་བཟོ་དང་བསྒྱུར་བཟོ་བྱས་པའི་རྒྱལ་ཁབ་ལས་ཁུངས་དང་མི་དམངས་ཚོགས་པ།　ཁེ་ལས།　ལས་དོན་སྡེ་ཁག་བཅས་སམ་རྩ་འཛུགས་གཞན་དག་གི་གཞུང་ཡིག་དང་དཔང་ཡིག།　བདེན་དཔང་ཡི་གེ་བཅས་ཉོ་འཚོང་ངམ་བེད་སྤྱོད་བྱས་པའི་རིགས།

གསུམ།　མེ་འཁོར་དང་རླངས་འཁོར།　གྲུ་གཟིངས།　གནམ་གྲུ།　རིག་རྩལ་འཁྲབ་སྟོན་སོགས་ཀྱི་སྤ་སེ།　ལུས་རྩལ་འགྲན་སྡུར་ལ་ཞུགས་པའི་འཛིན་བྱང་དང་དངོས་དཔང་གཞན་དག་བཅས་རྫུན་བཟོ་དང་བསྒྱུར་བཟོ།　བར་འཚོང་བཅས་བྱས་པའི་རིགས།

བཞི།　གྲུ་གཟིངས་ཀྱི་ཐོ་འགོད་བྱང་བུ་རྫུན་བཟོ་དང་བསྒྱུར་བཟོ།　དེའི་གྲུ་གཟིངས་ཀྱི་ཐོ་འགོད་བྱང་བུ་ཉོ་འཚོང་ངམ་བེད་སྤྱོད་བྱས་པའམ་གྲུ་གཟིངས་སྒུལ་བྱེད་འཕྲུལ་འཁོར་གྱི་ཨང་རྟགས་བསུབ་བཅོས་བྱས་པའི་རིགས་བཅས་ཡིན།།

（ ཀུན་དགས་བསྡུས།）