ཟླ་ལྔ་བའི་འགོ་ནས་བཟུང་།
བྱིས་པ་དག་གིས།
དྲུག་གཅིག་བྱིས་པའི་དུས་ཆེན་ཟེར།
བྱིས་པ་དག་གིས་ཟླ་བ་གཅིག་ལ།
དྲུག་གཅིག་བྱིས་པའི་དུས་ཆེན་ཟེར།
བགྲངས་ཟིན་པའི་སྐད་དེ།
ད་དུང་བགྲང་ངམ།
བྱིས་པ་དག་གིས།
དྲུག་གཅིག་འདི།
རང་གི་གྲོགས་པོ་ཞིག་དང་།
རང་གི་རྩེ་གྲོགས་ཤིག།
རང་གིས་བརྩིགས་པའི་རྩེ་ར་དེ་ཡིན་འདོད་འདུག།
དྲུག་གཅིག་གི་དུས་ཆེན་འདིར།
བྱིས་པ་དག་གིས།
འཇིག་རྟེན་གྱི་མི་སྣ་དག་གི།
སྣང་བརྙན་འཁྲབ་བྱུང་།
ལོ་རྒྱུས་ཀྱི་གར་འཁྲབ་བྱུང་།
སེམས་ཁམས་ཀྱི་གླུ་བླངས་བྱུང་།
དྲུག་གཅིག་གི་དུས་ཆེན་འདིར།
བྱིས་པ་གཅིག་གིས།
རིགས་དྲུག་གི་འཇིག་རྟེན་བསྟན་བྱུང་།
མི་སེམས་ཀྱི་མཛེས་ས་བསྟན་བྱུང་།
༼ ཆོས་འབྱོར་རྒྱ་མཚོ། ༽