ལོ་ངོ་སྟོང་ཕྲག་གི་རིང་།
རྨི་མ་མྱོང་བའི་རྨི་ལམ་མངོན་དུ་བསྒྱུར།
དྲན་མ་མྱོང་བའི་རྡོ་རིང་གསར་དུ་བཙུགས།
གླེང་མ་མྱོང་བའི་རྟོགས་བརྗོད་གསར་དུ་བརྩམས།
ཁྱོད་ནི་ངོམ་དུ་རི་བའི་གཟི་བརྗིད།
རྙེད་དུ་མེད་པའི་ནོར་བུ།
འགྲན་དུ་མེད་པའི་དཔའ་རྒོད་རེད།
དགུ་བརྒྱད་ལྔ། གཉིས་གཅིག་གཅིག།
ཡངས་པའི་འཇིག་རྟེན་འདི་ན་
འབྲུག་ལྟར་གྲག་པའི་སློབ་གྲྭ་ཆེན་མོ།
འདི་ཚོའི་མིང་ཙམ་མི་ཤེས་པའི་མི།
ང་ཚོའི་ཕ་ཡུལ་ན་དུས་ད་དུང་ཡང་མང་པོ་ཡོད།
ཁྱོད་ཀྱིས་དཀའ་སྡུག་གི་རི་ལུང་བརྒལ།
བརྩོན་འགྲུས་ཀྱི་རྟ་ཕོ་ཞོན།
ཤེས་རིག་གི་རྩི་བཅུད་བཟས་ཏེ།
ནན་ཁེ་སློབ་ཆེན་གྱི་སྐྱེད་ཚལ་དུ་བགྲོད་སོང་།
འདི་ནི་ཁྱོད་གཅིག་པུའི་གྲུབ་འབྲས་དང་།
གཟི་བརྗིད། ལ་རྒྱ། མཚར་སྡུག་མ་རེད།
འདི་ནི་ནགས་བྲན་སྡེ་བ་སྤྱིའི་དུས་རབས་གསར་
པའི་རྗེས་སྙེག།
དཔལ་ཡོན་གསར་པ་དབུ་བརྙེས། ལོ་རྒྱུས་གསར་པ་
རྐང་ཚུགས་པའི་རྟགས་རེད།
ཕ་བཟང་གི་བུ་མོ། ཕ་ཡུལ་གྱི་དཔའ་རྒོད།
ནགས་བྲན་པའི་རྒྱན། ཀུན་སེལ་ཌཱ་ཀི།
ཁྱོད་ཀྱིས་ནགས་བྲན་པའི་ཤེས་རིག་གི་སྟོང་ཆ་ཆེན་པོ་
ཞིག་ཡོངས་སུ་བསྐངས་སོང་།
ཁྱོད་ཀྱིས་ནགས་བྲན་པའི་སྤྱི་ཚོགས་འཕེལ་རྒྱས་ལོ་
རྒྱུས་ཀྱི་མཆོང་བརྒལ་ཆེན་པོ་ཞིག་ལག་ལེན་བྱས་སོང་།
ནགས་བྲན་པས་ཁྱོད་ལ་ཁ་བཏགས་འབུལ།
ནགས་བྲན་པའི་ལོ་རྒྱུས་ཀྱིས་ཁྱོད་རང་བརྗེད་མི་སྲིད།
ནགས་བྲན་པས་ནམ་ཡང་ཁྱོད་ལ་ངོ་སོ་བསྟོད།
༼ འཁྱོག་འཇོམས། ༽