སྣང་བ་དལ་བུ་སྒྱུ་མའི་འགྲོས་ལ་གོམ།།

ན་ཚོད་གཅིག་ལ་རང་སེམས་བག་མེད་གྱུར།།

འཚོ་བའི་སྙིང་པོ་མི་རྟག་གློག་གིས་འཁྱུད།།

ཕལ་བའི་ལས་སྐལ་སྐྱོ་བའི་ངང་ཚུལ་འདི།།

ནམ་ཞིག་དུས་ལས་རང་སངས་གྱུར་པ་ནི།།

མཐའ་མེད་གླིང་ནས་སྣང་བ་རབ་རིབ་ཡིན།།

སྟོང་བསམ་རིང་མོ་ཚོར་བྱུང་རྨི་ལམ་བཞིན།།

སྙིང་དུ་སྡུག་ཀྱང་སྐད་ཅིག་གཅིག་ལ་བཞུད།།

སྐྱོ་ཤས་འཐེན་པའི་འཁོར་བའི་མགུར་མ་ལ།།

སྣ་ཚོགས་ལས་ཀྱང་ཡིད་འོང་ཡེ་ནས་ཟད།།

སྣང་བ་མི་འདྲ་དགུང་གི་སྐར་ཚོགས་ཀྱང་།།

ཐོལ་བྱུང་འཆར་ཡན་ཅི་ཡི་ལས་ལ་དབང་།།

སྒྱུ་མའི་ཆོ་འཕྲུལ་འཚོ་བའི་འཇིག་རྟེན་ཏེ།།

ལོ་ཟླར་བརྩེགས་ཀྱང་སྙིང་པོ་བྲལ་བ་ནས།།

སྐྱོ་སྣང་ཚོར་བས་གློ་སྙིང་འགུལ་བ་འདིར།།

སྲིད་པའི་ཉམས་ལ་བདེ་བ་མཐའ་ཡོད་དེ།།

ཚེ་ཡི་མདངས་ལས་སྙིང་པོ་མ་ཚོར་བས།།

མགུར་གླུ་ཁྲོད་ནས་སེམས་པ་སྐྱོ་བས་རུམ།།

མི་རྟག་འགྲོས་སུ་རྒྱང་རིང་རྨི་ལམ་ཉར།།

ཁ་དོག་གཅིག་གི་རྨི་ལམ་མཐའ་མེད་ཅིང་།།

དྲན་སྣང་སྟོང་བས་ཡུན་རིང་ཁྲིད་ཀྱང་རུང་།།

རྨད་བྱུང་བྲལ་བའི་གདུང་བའི་སྨྲེང་བ་ནི།།

སྐྱོ་བའི་གླུ་ལ་རམ་འདེགས་བྱེད་པ་ཡང་།།

ཚིག་ཕྲེང་ཀློང་ནས་མཇལ་རྒྱུ་བྱུང་བ་ལ།།

ཡིད་འགྱུ་ནང་གི་ཚོར་ཤེས་མྱུར་མོར་བཞུད།།

ཚོར་རླབས་ངོས་སུ་སྣང་ཚུལ་མི་འདྲ་ཚོགས།།

དྲན་སྣང་ཕྲན་བུ་ལས་ཀྱིས་གང་སར་ཁྱེར།།

འདུ་ཡང་འབྲལ་བ་སྙིང་པོ་ཟད་མཐའ་ལ།།

སེམས་པ་སྐྱོ་བའི་མགུར་མ་ག་ཚོད་ཀྱང་།།

སྙིང་པོ་བྲལ་བས་ཚེ་ཡི་སྐྱོ་མགུར་འཐེན།།

༼ ཁམས་འོད་གསལ། ༽