❋
❋
❋
❋
❋
❋
❋
❋
❋
❋
❋
❋
❋
❋
❋
❋
❋
མགོ་ཐོག་བཀུར་རྒྱུ་སྒོར་མོ།
རྐང་འོག་བརྫི་རྒྱུ་རྒྱུ་འབྲས།
འབྲི་མར་སེར་པོ་གཞན་ལ་བཙོངས།
ཤིང་མར་སོབ་སོབ་རང་གིས་བཟས།
ལག་ཤེས་པ་ཅན་ཚོ་དམན་པར་བརྩི་བ་འདི།
བོད་རྗེས་ལུས་ཐེབས་པའི་རྒྱུ་མཚན་ཡིན་ནམ་ཅི།
ཕོ་ཨ་གསར་ཅན་གྱིས་དོན་མི་བསྒྲུབ།
དམན་ཕྲག་དོག་ཅན་ལ་སེམས་སྡུག་མང་།
མི་འཇོན་དཔོན་གནས་བཟུང་བ་དེ།
རང་སྡུག་རང་གིས་ཉོས་པ་རེད།
གཞུང་སྒོར་ཐར་ས་མི་འདུག།
ལྟག་སྒོ་བརྒྱུད་དེ་ཕེབས་རོགས།
འདོད་པ་ཆེ་བ་ལས་ཕུགས་བསམ་རིང་བ་དགའ།
ལྐོག་ལྐོག་སུབ་སུབ་ཀྱིས་རང་དོན་སྒྲུབ། དམར་དམར་རྗེན་རྗེན་དུ་གཞན་སྐྱོན་འཚོལ།
ཁ་དགྲ་བསགས་པ་དོན་ཆུང་རེད།
ལྐོག་མདའ་འཕངས་ན་སྡིག་ཉེས་ཆེ།
བླ་མ་རྒྱ་ཡུལ་འགྲིམས།
བཙུན་ཆུང་སྲང་ལ་འཁྱམས།
རང་དོན་སྒྲུབ་པར་འཆུག་པ་མེད།
གཞན་སྐྱོན་གླེང་བར་ཐོགས་པ་མེད།
འདོད་པ་དང་ཕུགས་བསམ་གཅིག་པར་མ་བརྩི།
འདོད་པས་ཕུང་ཡང་ཕུགས་བསམ་གྱིས་མི་ཕུང་།
ཁང་པ་རླངས་འཁོར་ཚེ་གཅིག་དམིགས་འདུན་རེད།
དམིགས་འདུན་དེ་ལས་མེད་ན་སྐྱོ་བོ་རེད།
བླ་མས་ཆུ་འགོ་ནས་ཚེ་ཐར་གཏོང་རྐྱང་དང་།
ཉ་པས་ཆུ་གཞུག་ཏུ་ལྕགས་ཀྱུ་འཕེན་རྐྱང་རེད།
བཟས་པའི་བཅུད་ཡིན་དང་གནོད་པའི་
དུག་ཡིན་ཤོད་དཀའ།
རླུང་རྟ་དར་མིན་སུ་ཡིས་ཤེས།
རི་འགོར་དར་ལྕོག་ཕུང་པོ་ཆགས།
ར་བཟིའི་ཁ་ན་དྲང་གཏམ་ཡོད།
དྭངས་ན་དྲང་གཏམ་ཤོད་མཁན་དཀོན།
༼ ས་སྐྱ་བ་བསོད་ཚེ། ༽