（ པར་ངོས་དང་པོར་མཐུད།）

བློ་མཐུན་སྤྱི་ཁྱབ་ཧྲུའུ་ཅིས་གཙོ་བོ་གནང་བའི་ཁྲའོ་ཞན་ངལ་རྩོལ་ཏང་གི་འགོ་ཁྲིད་འོག་ཁྲའོ་ཞན་མི་དམངས་ཀྱིས་ཁྲའོ་ཞན་ངལ་རྩོལ་ཏང་གི་ཚོགས་ཆེན་དགུ་པའི་ཐབས་ཇུས་བཀོད་སྒྲིག་ཁག་ཕྱོགས་ཡོངས་ནས་ལག་བསྟར་དོན་འཁྱོལ་བྱས་ཏེ། སྤྱི་ཚོགས་རིང་ལུགས་འཛུགས་སྐྲུན་གྱི་བྱ་གཞག་ཁྲོད་གྲུབ་འབྲས་གསར་པ་དེ་བས་ཆེ་བ་རྒྱུན་ཆད་མེད་པར་ཐོབ་ངེས་ཡིན་པའི་ཡིད་ཆེས་ཡོད།

ཅིན་ཀྲེང་ཨེན་གྱིས་གསུངས་དོན། ལོ65ཡི་གོང་། ཕྱོགས་གཉིས་པོས《ཁྲའོ་ཀྲུང་མཛའ་མཐུན་མཉམ་ལས་རོགས་རེས་ཆིངས་ཡིག》བཞག་ནས་བཙན་རྒྱལ་རིང་ལུགས་ལ་ངོ་རྒོལ་བྱེད་པའི་རང་བརྟེན་དང་། ཞི་བདེ། སྤྱི་ཚོགས་རིང་ལུགས་ཀྱི་བྱ་གཞག་རླབས་པོ་ཆེ་བཅས་མངོན་འགྱུར་ཆེད་ཁྲག་བཏོན་དམར་འཛིང་གི་ལོ་རྒྱུས་ལམ་བུའི་ཁྲོད་གྲུབ་པའི་ཁྲའོ་ཞན་དང་ཀྲུང་གོའི་དམག་འཐབ་མཛའ་གྲོགས་དང་མཐུན་སྒྲིལ་རོགས་རེས་མཉམ་ལས་ཀྱི་འབྲེལ་བ་ཡུན་རིང་འཕེལ་རྒྱས་འགྲོ་བར་བཅའ་ཁྲིམས་ཀྱི་རྨང་གཞི་བརྟན་པོ་བཏིང་ཡོད། འདས་ཟིན་པའི་དུས་སྐབས་ཤིག་རིང་། ཁྲའོ་ཀྲུང་རྒྱལ་ཁབ་གཉིས་ཀྱིས་ལོ་རྒྱུས་ཀྱི་ཆར་རླུང་དྲག་པོ་བརྒྱུད་པ་དང་། ཐོག་མཐའ་བར་གསུམ་དུ་ཕན་ཚུན་རྒྱབ་སྐྱོར་བརྟན་པོ་དང་མཉམ་ལས་དམ་ཟབ་བྱས་ནས་འཛམ་གླིང་ཡོངས་ལ་སྲོལ་རྒྱུན་མཛའ་གྲོགས་རྐྱེན་གྱིས་དམིགས་བསལ་ཡིན་པ་དང་། ཐུན་མོང་གི་སྤྱི་ཚོགས་རིང་ལུགས་ཀྱི་བྱ་གཞག་རླབས་པོ་ཆེའི་རྐྱེན་གྱིས་དམིགས་བསལ་ཡིན་པ། བློ་བརྟན་འགྱུར་མེད་ངང་རྒྱུན་འཛིན་བྱས་པའི་རྐྱེན་གྱིས་དམིགས་བསལ་ཡིན་པ་བཅས་ཀྱི་ཁྲའོ་ཞན་དང་ཀྲུང་གོའི་མཛའ་གྲོགས་འབྲེལ་བར་ནམ་ཡང་འགྱུར་བ་མེད་པ་དང་གཞོམ་ཞིག་མེད་པ་ཞིག་ཡིན་པ་གང་ལེགས་མངོན་པར་བྱས་ཡོད།

ཅིན་ཀྲེང་ཨེན་གྱིས་གསུངས་དོན། ཏང་གཉིས་དང་རྒྱལ་ཁབ་གཉིས་པོའི་མི་དམངས་ཀྱི་འཐབ་ཇུས་རང་བཞིན་གྱི་གདམ་ག་དང་ཐུན་མོང་གི་རྩ་ཆེའི་རྒྱུ་ནོར་ཞིག་ཡིན་པའི་ཁྲའོ་ཞན་དང་ཀྲུང་གོའི་མཛའ་མཐུན་མཉམ་ལས་ཀྱི་འབྲེལ་བ་དེ་འཐབ་ཇུས་ཀྱི་མཐོ་ཚད་གསར་པའི་ཐོག་ནས་ཟབ་ཏུ་འཕེལ་རྒྱས་འགྲོ་བཞིན་ཡོད་པ་མ་ཟད། རྙོག་འཛིང་ཆེ་ལ་འགྱུར་ལྡོག་མང་བའི་རྒྱལ་སྤྱིའི་དུས་བབ་ཁྲོད་རྒྱལ་ཁབ་གཉིས་པོའི་བདག་དབང་དང་། བདེ་འཇགས། འཕེལ་རྒྱས་བཅས་ཀྱི་ཁེ་ཕན་སྲུང་སྐྱོང་དང་། ས་ཁུལ་དང་ཐ་ན་འཛམ་གླིང་གི་ཞི་བདེ་བརྟན་ལྷིང་སྲུང་སྐྱོང་བྱ་ཆེད་ལེགས་སྐྱེས་གལ་ཆེན་འབུལ་བཞིན་ཡོད། སྤྱི་ཚོགས་རིང་ལུགས་སྲོག་ཤིང་དུ་བྱས་པའི་ཁྲའོ་ཞན་དང་ཀྲུང་གོའི་སྲོལ་རྒྱུན་གྱི་མཛའ་མཐུན་མཉམ་ལས་འབྲེལ་བ་དེ་དུས་རབས་ཀྱི་འཕོ་འགྱུར་དང་རྒྱལ་ཁབ་གཉིས་པོའི་མི་དམངས་ཀྱི་རེ་འདོད་དང་མཐུན་པ་མ་ཟད། ཁྱབ་ཁོངས་ཁག་ཏུ་འཕེལ་རྒྱས་དེ་བས་ཡག་པོ་འགྲོ་བར་སྐུལ་འདེད་གཏོང་བ་ནི་ཁྲའོ་ཞན་ཏང་དང་སྲིད་གཞུང་གི་བློ་བརྟན་འགྱུར་མེད་ཀྱི་ལངས་ཕྱོགས་ཤིག་ཡིན། ངས་བློ་མཐུན་སྤྱི་ཁྱབ་ཧྲུའུ་ཅི་དང་ལྷན་དུ་ལོ་རྒྱུས་ཡུན་རིང་ལྡན་པ་དང་ཕུལ་བྱུང་སྲོལ་རྒྱུན་རྨང་གཞིར་བྱས་པའི་ཁྲའོ་ཞན་དང་ཀྲུང་གོའི་མཛའ་གྲོགས་མཐོ་ཚད་གསར་པར་སླེབས་པར་ཁྲིད་སྟོན་བྱས་ཏེ། སྟོབས་ཤུགས་ཆེ་ཤོས་དང་འཐབ་ཇུས་རང་བཞིན་ཆེ་ཤོས་ལྡན་པའི་སྤྱི་ཚོགས་རིང་ལུགས་རྒྱལ་ཁབ་དབར་གྱི་འབྲེལ་བའི་མིག་དཔེ་ཞིག་ཏུ་འཕེལ་རྒྱས་གཏོང་འདོད་ཡོད།།

( མི་དམངས་ཉིན་རེའི་ཚགས་པར་ནས་དྲངས།)