མཚར་སྡུག་ཉི་ཟླའི་རྒྱན་དུ་སྤུད།
ལྷག་བསམ་གངས་ཀྱི་ལྷུན་པོ་བརྗིད།
ཡིད་འོང་ཤེས་བྱའི་ལང་ཚོ་མཛེས།
དེ་ལས་ཀྱང་ཉམས་དགའ་བ་ནི།
ཉིན་མཚན་བལྟོས་མེད་ཀྱི་ཕྱི་མིག་སྐྱེས་
ས་སློབ་མ་དག་ཡིན་ཞིང་།
དཀའ་སྡུག་གི་འཚོ་བའི་ཁྲོད་དུ་གཅེས་པའི་
སྲོག་དབུགས་ཤོར་ཀྱང་།
ཕངས་སེམས་མེད་པའི་ཨ་མའི་བརྩེ་བ་
དྭངས་མ་ལྡན་ཡོད།
ཁྱེད་ཀྱི་ཚོར་འདུའི་ནང་དུ་སློབ་མ་
ངེད་ཚོའི་བདེ་སྡུག་ཡོད།
ཁྱེད་ཀྱི་ཤེས་རིག་ཀློང་དུ་སློབ་མ་
ངེད་ཚོའི་རེ་བ་ཡོད།
ཁྱེད་ཀྱི་སློབ་གསོའི་དབུས་ན་སློབ་མ་
ངེད་ཚོའི་མདུན་ལམ་ཡོད།
སྒེའུ་ཁུང་ཕྱི་ནང་།
རྒྱ་སྒོའི་ཕྱི་ནང་།
ཕ་སྐད་མ་ཡིག་གི་དབྱངས་རྟ་སྙན་མོའི་
རང་སྒྲ་འདི་ཁྱེད་ཀྱི་གཟི་བརྗིད་ཡིན།
འཛམ་གླིང་གི་མཁས་པའི་མཚན་སྙན་
འདི་ཁྱེད་ཀྱི་བྱིན་རླབས་ཡིན།
དེ་རིང་ནི་ཁྱེད་ཀྱི་དུས་ཆེན་ཡིན།
དེ་རིང་ནི་ཁྱེད་ཀྱི་དགའ་སྐྱིད་ཉིན་བཟང་ཡིན།
དེ་རིང་ནི་ང་ཚོས་ཁྱེད་ཀྱི་དཀའ་དྲིན་
དྲན་པའི་དུས་ཚིགས།
དེ་རིང་ནི་ཁྱེད་ཉིད་ངལ་གསོ་
གནང་བའི་དུས་སྐབས་ཡིན།
རྒན་ལགས་ཁྱེད་ནི་ལས་ཀྱིས་གནང་བའི་
ང་ཚོའི་ཕ་མ་གཉིས་པ་ཏེ།
དྲན་པའི་ཁྲོད་ན་བརྟན་དུ་བརྗེད་པ་
མེད་པའི་དབྱར་གྱི་སྤང་རྒྱན་མེ་ཏོག་ཡིན།
ད་དུང་ཁྱེད་ཀྱི་བཀའ་དྲིན་རྒྱ་མཚོ་ལས་ཟབ་ལ།
རི་བོ་ལས་ཀྱང་བརྟན་ཞིང་བརྗིད།
སྨྲ་བསམ་བརྗོད་མེད་ཀྱི་རང་སྒྲ་ཡིན།
ང་ཚོའི་གློ་སྙིང་གྲོད་གསུམ་གྱི་བསླུ་མེད་དད་ཅིང་།
ཁྱེད་ཉིད་ང་ཚོའི་ཆེད་དུ་སྐུ་ལས་ཁག་སོང་།
སྙིང་ཁུང་རུས་པའི་སྟེང་ནས་ཁྱེད་ཀྱི་
དུས་ཆེན་དགའ་བ་འབུམ་གྱིས་བསུ་མ་ཞུ།
༼ ཨ་ཀྲོང་ཚུ་མུ་སྲོང་། ༽