ནམ་ཟླ་སྐད་ཅིག་མྱུར་བ་དྲི་གཞོན་རླུང་།།
བདག་མེད་ལྕང་ལོ་གཡའ་བྲལ་ལྗང་མདོག་བརྗེས།།
མདུན་གྱི་ལམ་ཕྲན་གསར་པའི་གྱ་གྱུ་ནས།།
ལྕང་ལོ་སེར་པོ་རླུང་གིས་ངའི་འགྲམ་འདེད།།
ཉི་གཞོན་དྭངས་མ་སྤྲིན་པས་གོས་ཀྱིས་བསྒྲིབས།།
སྤྲིན་དཀར་སྟངས་འགྱུ་རྒྱང་རིང་མཚམས་སུ་ཆས།།
ནམ་ཟླ་འཁྱག་པའི་སྣང་བ་སེམས་སུ་གཟན།།
ཁེར་རྐྱང་སྙན་ངག་འཐམ་ནས་ལོ་ཟླ་ཟད།།
ཉི་ནུབ་མཚམས་སྤྲིན་རི་བོ་མགུལ་ཆིངས་གྱོན།།
སྐད་མེད་རླུང་བུ་བསིལ་བསིལ་གདོང་ངོས་གཡོས།།
བརྟན་མེད་ལོ་མ་སེར་ཆེན་ཕྱོགས་བཞིར་སྤུར།།
ང་དང་ལོ་མ་འཁྲེང་སེམས་རྫོགས་ཀྱིན་མེད།།
སྡོད་ཁང་གྲུ་བཞིའི་སྒེའུ་ཁུང་ཕྱེ་པ་ནས།།
སྒེའུ་འགྲམ་ལྕང་ལོ་གར་དང་སྡོང་བཞིན་དུ།།
དབེན་པའི་སྒེའུ་ཁུང་འཁྲིས་སུ་གདན་དུ་འཐོར།།
ངའི་སྣང་མག་མོག་ལོ་མའི་ཉམས་ཀྱིས་ཁྱེར།།
ལྷོད་ཀྱིས་བཞུར་བའི་སྐད་སྙན་རྦ་རླབས་དེ།།
དགུན་ཁའི་འཁྱག་རོམ་དཀར་གྱིས་སྡོམ་འགོ་ཚེས།།
ལུས་སེམས་གྲང་བའི་སེམས་ཀྱི་སྣང་བ་ལས།།
བྲུགས་པའི་ཚོར་བའི་དགུན་གྱིས་ངའི་སེམས་མྱོས།།
ཤིག་ཤིག་གཡོ་བའི་ལམ་འགྲམ་ལྕུག་ཕྲན་ཀུན།།
སྐྱ་བོ་མདོག་གིས་བཟུང་ནས་དམའ་བར་བལྟ།།
ལོ་མ་ལྷབ་ལྷུབ་གཡོ་བཞིན་ཐང་དུ་ཟགས།།
སྟོན་མཇུག་ལོ་མ་སྐྱོ་བའི་དབྱངས་རྟ་གྱེར།།
༼ སྙན་རྐང་གླིང་། ༽