ཉི་མ་ནུབ་ཁར།
གཙང་པོའི་ངོགས་སུ་ཡོད་པའི་གྲུ་ཤན་གྱི་གྲིབ་
མ་ཇེ་ནག་སོང་།
ཉི་མ་ནུབ་རིའི་རྩེ་ནས་དལ་གྱིས་བཞུད་དུས།
གྲུ་ཤན་གྱི་སྤྱན་ཆབ་བསིལ་མོ་གཙང་
པོའི་ནང་ལ་ལྷུང་།
དེ་ཡིས་གཙང་པོ་འདི་ལ་ཡོམ་ཡོམ་བྱུང་།
ཉི་མ་ནུབ་ཁར།
གཙང་བོའི་སྟེང་གི་གྲུ་ཤན་ཡོམ་ཡོམ་ངང་།
འགྲུལ་པ་ཆ་མེད་སྐོར་ཞིག་དང་ལྷན་
དུ་ཕར་ལ་སོང་།
གཙང་པོའི་ཕར་སྣེ་ནས་མི་ཞིག་ཚུར་
ལ་འོངས།
གཙང་པོའི་ཚུར་སྣེ་ནས་མི་ཞིག་ཕར་ལ་འགྲོ །
ཉི་མ་ནུབ་ཁར།
སྲོད་ཀྱི་དུས་ཚོད་ནང་བྱ་ཁྱུ་ཁྱུ་གཅིག
ཉི་ནུབ་ཕྱོགས་ནས་འཕུར་ལམ་བཟུང་།
ངང་པའང་ཁྱུ་གཅིག་གཙང་པོའི་སྟེང་ནས་
འཕྲེད་དུ་འཕུར།
སྐུ་ན་གཞོན་པའི་བུ་མོའི་མིག་གཉིས།
ན་ཚོད་གཞོན་པའི་མི་གཉིས་བཞིན་དུ་གཙང་
པོ་ལ་ཅེར།
ཉི་མ་ནུབ་པའི་མཚམས་འདིར་གཙང་པོ་
ཡོམ་ཡོམ་འགུལ།
གཙང་པོའི་རླབས་རིས་ལ་བལྟས་པའི་བུ་མོ།
སྙིམ་པའི་ནང་ལ་བཅུག་པའི་རྡོ་བ་ཆུང་ཆུང་།
གཙང་པོ་ནང་ལ་འཕྲེད་ཀྱིས་འཕངས།
རྡོ་བ་ཆུང་ཆུང་དེ་དལ་གྱིས་ཆུའི་གཏིང་ལ་
ལྷུང་འགྲོ་ཨང་།
༼ ཆོས་འབྱོར་རྒྱ་མཚོ། ༽