ཆུང་འདྲིས་ཤ་འདྲིས་པགས་འདྲིས།།
དྲན་པའི་མཐིལ་ན་ལྷུང་ཡོད།།
ཉིན་མཚན་འཁོར་མོའི་བར་ནས།།
དྲན་གདུང་ཁྱོད་ལས་མི་འདུག།
བརྩེ་བ་ཕན་ཚུན་འདྲིས་ཏེ།།
སེམས་བརྩེ་གཅིག་ཏུ་གྱུར་སོང་།།
མཚན་མོ་ཟླ་བའི་འོག་ནས།།
དྲན་གདུང་འཕྲིན་པ་ཤོར་སོང་།།
བརྩེ་བ་ཕན་ཚུན་གླེང་ནས།།
བྲལ་མེད་བརྩེ་བ་ཟབ་པས།།
ཡིད་ཀྱི་དྲན་ཤིང་ཀློང་ན།།
ཁྱོད་ལས་གཞན་པ་མི་འདུག།
དུང་བའི་ཡིད་ཀྱི་མཚོ་མོ།།
ཁྱོད་ལ་གཏད་ནས་འཁོར་ཡོད།།
མི་བྲལ་དམ་བཅའི་མདུད་པ།།
ནམ་ཡང་ཞིག་ཐབས་མི་འདུག།
བརྩེ་བ་སེམས་ཀྱིས་སྐྱོང་ཡོད།།
བྱམས་པ་ལག་གིས་སྐྱོར་ཡོད།།
འཇིག་རྟེན་ཆུང་ཆུང་འདི་ནས།
འུ་གཉིས་མཉམ་དུ་འཚོ་འགྲོ།།
དྲན་པའི་ཚོར་རླབས་ཟབ་པས།།
དྲན་པ་འགོག་ཐབས་མ་བྱུང་།།
བརྩེ་འཕྲིན་ཤོག་དཀར་ངོས་ལ།།
དྲན་པའི་ཚིག་འདི་བསྟར་ཡོད།།
མོན་བཞུད་ཁྲུང་ཁྲུང་ཁྱུ་ལ།།
ཆུང་འདྲིས་དྲན་པའི་སྙན་ངག།
ལན་གསུམ་བསྐུར་བ་གནང་ཡོད།།
བྱམས་པས་འབྱོར་ལན་གནང་རོགས།།
༼ སྙན་རྐང་གླིང་། ༽