སྟོན་མཇུག་གི་ལག་པས་སྐྱེལ་མ་གནང་ཚུལ་དེ།
སྡོང་འགོའི་འདབ་ལོ་འཐོར་སྟངས་དེ་ཙམ་མ་ཡིན།
སྨྲ་བ་མེད་པའི་སྒྲོ་སྤུ་གང་ཞིག།
ཁ་བ་དང་སྐེ་འཇུ་ཐེངས་གཅིག་གིས་ཡིན།
སྟོན་ཁའི་མིག་ཀོང་ན།
འགོ་བོ་དུད་པའི་སྙེ་མ་དག་གི་བྲང་གཞུང་ནས་བོར་བའི་ཟླ་བརྒྱད་པ།
ཁ་བས་སྤུད་པའི་མཐོན་པོ་གང་ཞིག་གི་འོག་གདན་དུ་གྱུར།
གྲང་རེག་གི་ལག་པ་བསྲིངས་ཡོང་བའི་སྒེའུ་ཁུང་གི་འགྲམ་དུ།
ངོས་གཉིས་ལ་མདོག་མི་འདྲ་བའི་སྒྲིབ་ཡོལ་ཞིག་བཀལ་འདོད།
མཁའ་དབྱིངས་ཀྱི་ཆུ་རྡུལ་མཐའ་དག།
སེམས་གཞུང་ཁོ་ན་ལ་བཞུར་བའི་གནའ་གཏམ་དུ་གྱུར་ཅིང་།
ཆུ་ཕྲན་ཡང་སྨྲ་བ་འགགས་ནས་ཆབ་རོམ་གྱིས་སྡོམ་དུས།
ཁ་བ་ནི་ཁ་བ་མ་ཡིན། ཞེན་ཆགས་ཀྱི་མཐུད་རིམ་ཡང་མ་ཡིན།
སྙན་ངག་གི་མེ་རོ་ལ།
ལུས་ངག་ཡིད་གསུམ་གླན་སྙིང་བྱུང་བའི།
རྒྱང་མིག་གི་རྡོག་འགྲོས་ལ་སྐྱ་ཐིག་གིས་ལམ་བུ་བཟོས་རྗེས།
ཁོ་བོས་མེ་ཏོག་གི་འདབ་ལོར་ཁ་བའི་གཤོག་པ་ཡ་གཅིག་བྲིས་ཤིང་།
སེམས་གཞུང་ལ་ཞེན་ཆགས་ཀྱི་ཁ་བ་འབབ་འགོ་ཚུགས།
༼ པུར་རྒྱལ་བ། ༽